Kapa ti Bungbi ti Kusala

Yenga ti 8 avril

Bia 39

pn 13: Akete tënë. Atokua ti Kusala ti Royaume so andu kongregation. Sala kusala na awango so a yeke wara ni na yâ fini wala ngbele Kusala ti Royaume na ndo li ti tënë “Ye ti tene na ndo apériodique.” Sala adémonstration use ti fa kode ti fango afini Tour ti Ba Ndo na Réveillez-vous! Na yâ ti démonstration oko oko, fa lege nde nde ti hon ndo ti atënë ti kangango lege na lisoro tongana: “Mbi yeke na Nzapa ti mbi.”​—Bâ buku Comment raisonner, alembeti 18-19.

pn 12: Aye so atia kongregation.

pn 20: ‘ “Sala ye ti nzoni na azo kue.” ’a Hundango tënë na kiringo tënë. Na pekoni, hunda na aita oko wala use ti fa tongana nyen ala yeke kono yâ ti kusala ti ala.

Bia 157 na sambela ti nda ni.

Yenga ti 15 avril

Bia 101

pn 10: Akete tënë. Tënë ti acompte.

pn 15: Apionnier angbâ ti mû maboko na ambeni zo. Surveillant ti kusala asala lisoro na surveillant ti Mandango Buku ti Kongregation, na mbeni pionnier, nga na mbeni wafango tënë. Surveillant ti kusala ni akiri ti bâ programme Apionnier Amû Maboko na Ambeni Zo, so ayeke na yâ ti Kusala ti Royaume ti nze ti mars 1999, lembeti 4. Na pekoni, lo yeke sala lisoro na azo so lo tisa ala ti fa nda ti kusala ti aita-koli wala aita-wali ni na yâ programme so, nga lo yeke fa tongana nyen a mû maboko ti si dä. A sala ye wa ti tene programme ni atambela nzoni? Surveillant ti kusala ni ahunda na aita kue so aye ti wara mungo maboko na yâ kusala ti fango tënë ti ga ti bâ lo. Ala so a mû maboko na ala lani awe alingbi nga ti kiri ti hunda ti wara mungo maboko na yâ mbeni mbage nde ti fango tënë.

pn 20: “Angia so aga na lege ti kusala ti ngoi kue.”b Wa amaseka ti leke tele ti ala ti mû kusala ti pionnier auxiliaire na ngoi ti vacances.

Bia 199 na sambela ti nda ni.

Yenga ti 22 avril

Bia 90

pn 10: Akete tënë. Sala kusala na awango so a yeke wara ni na yâ fini wala ngbele Kusala ti Royaume na ndo li ti tënë “Ye ti tene na ndo apériodique.” Hunda mbeni serviteur ti mungo maboko ti fa kode ti fango afini Tour ti Ba Ndo, nga, hunda mbeni ita-wali ti fa kode ti fango afini Réveillez-vous! Na peko ti démonstration oko oko, kiri mo tene peko ti akozo tënë so aita ni asala na kusala ti zingo nzala ti azo so ala tingbi na ala.

pn 15: Ga na l’heure! Mbeni diskur. Akusala kue so andu vorongo ti e ayeke na nene ni mingi, na a hunda ‘mbeni ngoi so a diko’. (Zo-ti. 3:1). E ye ti wara aye ti nzoni kue na lege ti kusala so e yeke sala na Nzapa. A lingbi abungbi ti kongregation na ti sigingo na fango tënë akomanse na l’heure so a fa. Jéhovah ayeke lâ oko pëpe na retard na yâ ti akusala ti lo (Hab. 2:3). E yeke na bezoin ti sala ngangu na mbage so? Ngoi na ngoi, ambeni ye alingbi ti sala si zo aga na retard, atâa tongana lo ye fade pëpe. Me tongana e leke tele nzoni, e yeke duti ande pëpe na retard lakue, na singo na peko ti bia na sambela ti tongo nda ti bungbi, wala na peko ti so akangbi popo ti aita awe ti sigigi na fango tënë. Fa mbilimbili ye ti sala, so alingbi ti mû maboko na e ti sala akusala ti e ti yingo na l’heure.​—Bâ La Tour de Garde ti 15 juin 1990, lembeti 29.

pn 20: “Mo yeke sala ngangu kue ti diko na ti sû mbeti?”c Surveillant ti ekole wala mbeni ancien asala ni. Fade lo yeke tingbi ni na abezoin ti kongregation. Hundango tënë na kiringo tënë. Na pekoni, hunda tënë na ambeni ita oko wala use, so a mû maboko na ala awe ti manda ti diko na ti sû mbeti na lege ti a-ekole ti mandango mbeti, ti tene ala fa ngia nga na bê ti kiri singila ti ala teti programme so. Ti wara ambeni tënë na ndo ni, bâ brochure Les Témoins de Jéhovah et l’instruction, lembeti 10 ti si na 13, na Réveillez-vous! ti 22 décembre 2000, alembeti 8 ti si na 9. Ko nda ni na fango molongo ti aye so a leke na yâ kongregation teti ekole ni.

Bia 191 na sambela ti nda ni.

Yenga ti 29 avril

Bia 162

pn 10: Akete tënë. Dabe ti aita kue ti mû rapport ti ala ti nze ti avril.

pn 15: “Fango tënë ti Royaume amû lege ti sö fini!”d Hunda azo so aga ti fa tongana nyen aversê so ayeke na yâ ni andu tënë ni.

pn 20: Gingo nda ti ye na salango kusala na buku Comment raisonner. Hundango tënë na kiringo tënë. Fani mingi na fango tënë, azo ayeke hunda na e atënë so a yeke wara ni pëpe na yâ molongo so ayeke na gbe ti li ti tënë “Table des matières” (lembeti 5) na yâ buku Comment raisonner. Mbeni pendere ye so a lingbi ti mû maboko na e ti wara aversê so andu atënë ti mabe ti e ayeke li ti tënë “Index” (na alembeti 439 ti si na 445). Hunda azo ti wara kiringo tënë na ahundango tënë so ayeke na gbe ni ge. Ala lingbi ti wara ni na yâ ti index ni, na gbe ti atënë so a sû gere ni nde: A-Chrétien ayeke bâ hengo bia ti kodoro na vorongo bendere tongana nyen? Ngbanga ti nyen Nzapa azia lege na aye ti ngangu? Tongana nyen mo lingbi ti fa bango ndo ti Bible na ndo surungo mbeti ti mariage? Ngbanga ti nyen nga na ngoi wa a lingbi aita-wali akanga ye na li ti ala? Matanga ti amama alondo na ndo wa? Tongana nyen e hinga so wungo ti azo 144 000 na yâ ti Bible ayeke na lege ti fä pëpe? Toli ti zo ti mosoro na Lazare aye ti tene nyen? Wa zo oko oko kue ti sala kusala na buku Comment raisonner na ngoi so lo yeke fa tënë.

Bia 28 na sambela ti nda ni.

Yenga ti 6 mai

Bia 141

pn 10: Akete tënë. Sala lisoro na ndo “Ngbâ lakue ti wara nzoni na lege ti Tour ti Ba Ndo na Réveillez-vous!”

pn 10: Leke aye kozoni ti gue na Vacances. Diskur, nga lisoro na azo so aga. Fa akusala so mingi ni a lingbi zo abi bê dä na angoi ti vacances: ti gue na kota bungbi ti district, ti circonscription wala kota bungbi ti lango oko, kusala ti pionnier auxiliaire teti nze oko wala mingi, ti leke mbeni ye na tele ti da, na peut-être ti sala ngia. Hunda ambeni ita, mingi pëpe, ti fa programme so ala leke teti vacances. Ala yeke fa nga tongana nyen ala yeke sala ande kue ti manke pëpe mandango ye ti ala na sewa, guengo na abungbi ti kongregation, nga fango tënë, atâa so ala yeke gue na voyage na mbeni ndo nde. Tongana kongregation ayeke na mbeni territoire so asala kusala dä mingi pëpe, fa aye so a leke ti tene a sala kusala dä. Dabe ti aita kue ti mû arapport ti ala na surveillant ti Mandango Buku ti Kongregation, atâa ala yeke na kodoro wala na voyage.

pn 25: “Tongana nyen ti wara mbeni sewa so akpengba na lege ti yingo?”e Na peko ti lisoro na ndo article so, fa peko ti ambeni nzoni ye so asi, so agboto ni na yâ Tour ti Ba Ndo ti lango oko ti nze ti mars 1999, alembeti 3 ti si na 5.

Bia 17 na sambela ti nda ni.

[Akete tene na gbe ni]