Azo So A Mû Ala Tongana Matabisi Ayeke Bata Kundu ti Nzapa na Bê Kue
1 So tâ mungo maboko ti ndoye si Jéhovah aleke na lege ti Molenge ti lo na mungo ‘azo tongana matabisi’! (aEph. 4:8, 11, 12) Ala yeke na akungba mingi. Mbeni ahunda na ala ti bata kundu ti Nzapa na wâ nga na bê kue. (1 Pi. 5:2, 3) E kue e yeke wara nzoni na lege ti mungo maboko so, na e yeke na bezoin ni biani. Ambeni na popo ti e ayeke wara akpale. Ambeni ayeke afini zo na yâ kongregation. Ambeni ayeke na awokongo, wala ala glisa lege. Atâa aye so kue, akoli so ayeke bi bê mingi na nzoni duti ti e kue na lege ti yingo.—aPhil. 2:4; 1 aThes. 5:12-14.
2 Ambeni kpale ti mungo mbito ayeke si ka na yâ sese so. Tongana asi, aberger tongaso, so ayeke na gbe ti Christ, ayeke fa biani so ala yeke “tongana mbeni ndo ti honde tele dä teti pupu nga ndo ti kpe dä teti ngu so apika na pupu.” Ala yeke kpengba e tongana e nze, wala tongana aye ane na ndo e, si e yeke na bezoin ti dengo bê. Na yâ ti aye tongaso, ala yeke “tongana akete ngu so asua na kuru sese” wala “tongana gbede ti mbeni kota tênë na yâ sese so ahule.”—Es. 32:2.
3 Wango Ala So Azia ti Fa Tënë: Na yâ ti ngu ti kusala so, a-ancien ayeke sala kue ti mû maboko na aita so ambeni nze ahon me ala fa tënë pëpe, ala so ayeke fa tënë mbeni pëpe teti mbeni ngoi. A yeke mû ande maboko na ala ti leke aye, si ala kiri amû mbage na akusala kue ti kongregation. Vizite so a-ancien asala na ndoye amû maboko na aita mingi ti gue lakue na abungbi ti kongregation na ti kpengba na lege ti yingo. Ye so asala si ala kiri fadeso ti fa tënë. Angangu kue so a-ancien ayeke sala afa na gigi so Jéhovah abi bê biani na ndo zo, na afa nga kusala ti Jésus tongana mokonzi. Lo zia tapande ti bingo bê tongaso na angasangbaga ti lo so aglisa lege, wala so aglisa.—Mat. 18:12-14; Jean 10:16, 27-29.
4 Aberger so ayeke gi ambeni ye so afa so ambeni zo ato nda ti gue kirikiri na lege ti yingo. Mingi, a yeke ngangu pëpe ti hinga azo so ayeke na bezoin ti mungo maboko na lege ti yingo: azo so bê ti ala anze, ala so ague na abungbi lakue pëpe, wala ala so akiri na peko na yâ kusala ti fango tënë. A-ancien ayeke ndulu ti mû maboko na ala so ato nda ti fa na gigi bibe ti sese na lege ti yungo bongo, lekengo tele ti ala, wala ala so ato nda ti kasa kongregation. Na tâ bingo bê nga na ndoye, a-ancien so ‘amû âme ti ala mveni’ ti mû maboko na azo tongaso ti kiri ti zingo ndoye ti ala teti Jéhovah.—1 aThes. 2:8.
5 Giriri, ambeni ita ahon yongoro na kongregation. Ala zia lege ti akusala ti yingo ngbanga ti so akpale ti kobela, ti konomi, ti sewa ahon ndo ti ala. San ti kasa ndo nga na nzobe, aberger ayeke fa na ala so Jéhovah abi bê na angasangbaga ti lo kue na fade lo yeke ngbâ ti mû maboko na ala na yâ ti angoi ti ngangu. (Ps. 55:23; 1 Pi. 5:7) Aberger so ayeke bata angasangbaga na donzi alingbi ti mû maboko na ala ti hinga so tongana ala ‘ga ndulu na Nzapa, fade lo ga ndulu na ala.’ Tongaso, a lingbi ti mû na ala ngangu nga na dengo bê.—Jacq. 4:8; Ps. 23:3, 4.
6 Bango na Nene Ni Azo So Tele ti Ala Anze: A-ancien ti ndoye ayeke bi bê nga na ndo ala so azo alingbi ti glisa ala hio. Na yâ ti kongregation oko oko, a yeke wara awazin, ala so angbâ gi na gbogbo ndali ti kobela, wala ala so mbeni kpale ti mitele akanga lege na ala. Aye akanga lege na mungo mbage ti ala na yâ kusala ti fango tënë ti Royaume, na e lingbi ti gbu nda ti ye biani. Peut-être oko lege so ala yeke wara ti fa tënë ayeke gi tongana azo aga ti bâ ala, ti sala tënë na ambeni zo ti kobela, wala na azo so ayeke ga ti bâ lege ti lo. Ye oko, atâa ye wa ala sala, a lingbi a bâ ni tongana mbeni pendere mungo maboko na kusala kue ti fango tënë. (Mat. 25:15) Atâa tongana ala fa tënë gi teti apenze ngbonga 15, a lingbi a zia ni na ndo rapport. Tongaso, fade a ngbâ lakue ti diko ala na popo ti awakua so ayeke fa tënë nze na nze.
7 ‘Azo, so a mû ala tongana amatabisi’ ahinga mbilimbili ye ti yingo atia aita ti ala na nze so e yeke dä: nze ti Mémorial. Ambeni na popo ti e ague yongoro na lege ti yingo, wala azia ti fa tënë. So tâ nzoni ngoi teti a-ancien ti sala ngangu kue ti mû maboko na ala! Na lege so, ala lingbi ti kiri ti wara ngia na siriri ti bibe so aga na lege ti bungbingo na kongregation! E hinga so na lege ti ndoye, Jésus, so ayeke Nzo Berger, amû sadaka ti kota ngele teti e. “Aita ti e awamabe” ayeke fa mabe teti ye so Jésus asala tongana ala ga na abungbi ti kongregation na ala gue na fango tënë. Na tongana e bâ ala, a yeke mû ngia na e mingi.—aGal. 6:10; Luc 15:4-7; Jean 10:11, 14.