Kapa ti Bungbi ti Kusala

Yenga ti 11 mars

Bia 2

pn 13: Akete tënë. Atokua ti Kusala ti Royaume so alingbi. Sala kusala na awango so a yeke wara ni na yâ fini wala ngbele Kusala ti Royaume na ndo li ti tënë “Ye ti Tene na ndo Apériodique.” Sala adémonstration use ti fa kode ti fango afini Tour ti Ba Ndo na Réveillez-vous! Na yâ ti démonstration oko oko, fa lege nde nde ti hon ndo ti atënë ti kangango lege na lisoro tongana: “Tënë ni anzere na mbi pëpe.”​—Bâ buku Comment raisonner, lembeti 16.

pn 12: E Bata Dutingo Nde ti E ti Chrétien. Diskur so mbeni ancien so alingbi asala ni. Na ekole, ndo ti kusala, nga na yâ ti avaka mingi, tënë ti yekiango kodoro amû ndo mingi. Mingi ti azo so ayeda na salango ye tongaso ayeke sala ni ti hon ndo ti gingo bê nga na avundu so ayeke si na yâ ti kodoro. Me atâa so e yeke na vundu mingi ti bâ aye so asi na ndo sese, e yeke gbu nda ti mbeni kota tënë so andu yengo dä na kota yanga-ti-komande ti Jéhovah nga tokua ti Royaume ayeke dë bê ti e. Tongana, na kode, e yeke fa na azo ngbanga ti nyen e yeke mû mbage pëpe na akusala so andu vorongo kodoro, a lingbi e fa nga na ala pendere beku so e wara na yâ Mbeti ti Nzapa. Brochure Les Témoins de Jéhovah et L’instruction, alembeti 20 ti si na 24, na gbe ti li ti tënë “le salut au drapeau”, afa ngbanga ti nyen e yeke mû mbage ti e pëpe na amatanga so andu yengo kodoro. Sala lisoro na ndo akota tënë ti yâ ni, na wa ababâ na mama ti kiri ti bâ atënë so nzoni na amolenge ti ala. Fa peko ti aye so asi, so a wara na lembeti 20 ti brochure ni. Gboto lê mingi na ndo nene ti mû tele kue gi na Jéhovah, atâa so e yeke yekia yanga-ti-komande.

pn 20: “ ‘E Wu na Nzo Kusala’ ”a Surveillant ti kusala ayeke sala ni. Wa aita kue ti mû mbage mingi ahon na kusala ti fango tënë na lekengo tele teti matanga ti Mémorial ti lango 28 ti nze ti mars. Fa tongana nyen a lingbi a sala kusala nzoni na andulu mbeti ti tisango azo. Hunda awafango tënë ti fa tongana nyen ala wara lani lege ti tisa asewa, avoizin, azo so a manda Bible na ala, nga ambeni zo nde so asala nzala ti tâ tënë, ti ga na Mémorial ti ngu so ahon, na ngia wa ala wara na pekoni. Wa aita kue so alingbi ti mû kusala ti pionnier auxiliaire na nze ti avril ti mû demande ni na peko ti bungbi.

Bia 82 na sambela ti nda ni.

Yenga ti 18 mars

Bia 7

pn 10: Akete tënë. Tënë ti akonde. Sala lisoro na ndo “Adango Bê Teti Mémorial.” Wa azo kue ti mû peko ti programme ti dikongo Bible teti Mémorial so ato nda ni na lango 23 ti si na lango 28 ti nze ti mars. A yeke wara programme ni na yâ ti brochure Gingo Nda ti Tene ti Nzapa Lâ oko oko ti ngu 2002.

pn 15: “E Duti na Ngia ti Sala Beoko na Jéhovah nga na Molenge ti Lo.” Diskur so apusu zo na kusala, so mbeni ancien asala na wâ. Wa aita oko oko kue ti sala ngangu, ato nda ni laso ti si na lango 28 ti nze ti mars, ti tisa azo mingi ti ga na Mémorial.

pn 20: “Lettre ti Wabatango Bungbi” Diskur nga na lisoro na azo so aga, so mbeni ancien so alingbi asala.

Bia 45 na sambela ti nda ni.

Yenga ti 25 mars

Bia 12

pn 14: Akete tënë. Fa so ngoi angbâ ti zia demande ti gango pionnier auxiliaire na nze ti avril. Na salango kusala na awango so ayeke na yâ ti fini wala ngbele Kusala ti Royaume na ndo li ti tënë “Ye ti Tene na ndo Apériodique,” hunda mbeni ancien ti sala démonstration, ti fini Tour ti Ba Ndo. Hunda nga na mbeni pendere ti fa mbeni fini Réveillez-vous! Na peko ti démonstration oko oko, gboto lê na ndo anzoni mbage ti fango ye ni.

pn 15: Aye so atia kongregation.

pn 16: Sala kusala na buku Comment raisonner ti mû wango ti kpengba zo. Lisoro na azo so aga. Ngoi na ngoi, zo kue ayeke na bezoin ti tene a wa lo na ndoye. Ni la, a lingbi e kue e duti ndulu ti ‘sala tënë ti dengo bê’ na popo ti e, na andu nga azo so bê ti ala asui, so e tingbi ala na fango tënë. (1  aThes. 5:14) Na salango kusala na buku Comment raisonner, tisa azo so aga ti fa aversê wa so akpengba zo ala lingbi ti fa na mbeni zo so ayeke na mbeni oko ti akpale so a fa na alembeti 119 ti si na 122. Hunda na aita kue ti tara ti mû wango na mbeni zo na ngoi kue so bezoin ni ayeke dä.​—aGal. 6:10.

Bia 131 na sambela ti nda ni.

Yenga ti 1 avril

Bia 27

pn 7: Akete tënë. Dabe ti awafango tënë ti mû rapport ti kusala ti ala ti nze ti mars.

pn 18: “Azo So A Mû ala Tongana Matabisi Ayeke Bata Kundu ti Nzapa na Bê Kue.” Diskur so surveillant-président wala surveillant ti kusala asala ni. Diskur ni aluti na ndo ti supplément. Sala lisoro na ndo aversê so a fa atënë ti yâ ni. Fa aye ti nzoni so a lingbi ti ga tongana a-ancien asala vizite na aita so ayeke fa tënë mbeni pëpe, nga tongana ala mû maboko na awazin ti sala ye kue so ngangu ti ala amû lege na ala ti sala. Aberger ti ndoye ayeke fa bê ti kiri singila teti ngangu so aita tongaso ayeke sala ti ngbâ lakue ti sala na Jéhovah na wâ.

pn 20: “Maï Ngia ti Mo na Yâ Kusala ti Fango Tënë.”b Na ngoi ti lisoro na ndo paragraphe 5, hunda na aita ti fa mbilimbili tongana nyen e lingbi ti sala kusala nzoni na yâ territoire ti kongregation. Sala démonstration oko wala use ti fa tongana nyen e lingbi ti mû li ni ti fa tënë ndulu. Wa aita oko oko kue ti gi alege so azi ti fa tënë na yenga so.

Bia 15 na sambela ti nda ni.

[Akete tene na gbe ni]