Kapa ti Bungbi ti Kusala

Yenga ti 11 février

Bia 6

pn 12: Akete tënë. Atokua ti Kusala ti Royaume so alingbi. Tongana a yeke na lege ni, wa zo oko oko ti diko wala ti kiri ti bâ Genèse 6:1 ti si na 9:19 nga ti bâ kasete-vidéo Noé: il marchait avec Dieu ti leke tele teti lisoro na Bungbi ti Kusala ti yenga ti 25 ti février. Na ndo so kasete ni ayeke dä pëpe, fade a-ancien ayeke sala mbeni tënë so alingbi na aye so atia kongregation.

pn 20: ‘“Fa Tënë ti Nzapa Kue.”’a (Aparagraphe 1 ti si na 13) Surveillant-président ayeke sala ni. Mbeni lisoro so asala ni na ngia na ndo ye so e ye ti sala na nze ti mars nga na pekoni. A lingbi zo oko oko asala kusala na kalendrier so azia na yâ supplément ni ti leke mbeni kapa, so asala ye ti nzoni, ti mû mbage mingi ahon na yâ kusala na nze ti mars. Wa azo kue so alingbi ti sala ni ti mû kusala ti pionnier auxiliaire na nze ni. Tongana a yeke sala lisoro na ndo aparagraphe 7 na 8, hunda aita so amû lani kusala ti pionnier na ngoi ti Mémorial ti ngu so ahon ti sala atënë na ndo afuta so ala wara so amû na ala ngia. Fa so fade a lingbi ti wara demande ti pionnier auxiliaire na peko ti bungbi so.

pn 13: “Ye ti Tene na ndo Apériodique.” Hunda awafango tënë na ndo lege so mbage ti Kusala ti Royaume so amû maboko na ala ti leke tele nzoni ahon ti zia kamba na popo ti a-article ni na aye ti ngangu so asi na yâ angoi ti kpale so. Aye wa so asi ambeni zo awara na dengo bê ti azo nga na mungo maboko na ala ti wara akiringo tënë so alondo na yâ Bible na akpengba hundango tënë? Na lege ti andulu démonstration use, fa tongana nyen ti zia na azo andangba numéro ti apériodique so e wara.

Bia 49 na sambela ti nda ni.

Yenga ti 18 février

Bia 95

pn 8: Akete tënë. Tënë ti akonde.

pn 12: “Mara So Aduti na Ngia Mingi Ahon na ndo Sese.”b Yôro na yâ ni andulu tënë ti encadré “Des Pas Qui Mènent au Bonheur,” na lembeti 6 ti La Tour de Garde ti 15 octobre, 1997.

pn 25: ‘“Fa Tënë ti Nzapa Kue.”’c (Aparagraphe 14 ti si na 23) Surveillant ti kusala asala ni. Kiri ti bâ aye so kongregation aleke ni so ayeke nde ti kono kusala ti fango tënë na nze ti mars. Fa kapa teti abungbi ti kusala ti yaka kue so aleke teti nze ni. Bata lê na ndo lege ti kiri ti mû ngangu na ala so azia ti fa tënë nga ti mû maboko na amolenge nga awamandango Bible so alingbi na ni ti ga awafango tënë so ade awara batême pëpe. Fa iri ti ala so ahunda ti ga pionnier auxiliaire na nze ti mars, nga wa aita mingi ahon ti bi bê na lege ti sambela ti bâ wala ala lingbi nga ti bungbi na ala na yâ kusala ni.

Bia 143 na sambela ti nda ni.

Yenga ti 25 février

Bia 174

pn 15: Akete tënë. Fa na gigi andulu démonstration use ti afango ye ti apériodique; oko ni asala kusala na ndo ndangba numéro ti Tour ti Ba Ndo nga mbeni na ndo ti ndangba numéro ti Réveillez-vous! Hunda mbeni pendere ti sala oko ti ala. Dabe awafango tënë ti mû rapport ti kusala ti ala ti nze ti février.

pn 15: “Ngangu So Akasete-Vidéo So Afa Tënë ti Témoin Asala.” Lisoro na ala so aga. Juska ge, e bâ akasete-vidéo miombe ti akasete ti e na kapa ti Bungbi ti Kusala. Na peko ti salango ndulu lisoro na ndo atapande so amû na yâ article ni, hunda awafango tënë ti sala tënë ti anzoni maïngo so ala wara na fango akasete-vidéo ni na ambeni zo.

pn 15: “Zo Oko Oko Alingbi ti Manda Ye na ndo Noé: il marchait avec Dieu.” To nda ni fade fade ti sala lisoro na ndo kasete-vidéo na azo so aga, na salango kusala gi na ahundango tënë so ayeke na yâ ti encadré na ndo lembeti so. Na ndo so kasete ni ayeke dä pëpe, fade a-ancien ayeke sala mbeni tënë so alingbi na aye so atia kongregation.

Bia 215 na sambela ti nda ni.

Yenga ti 4 mars

Bia 207

pn 5: Akete tënë.

pn 12: Aye so atia kongregation.

pn 12: Sala kusala na buku Hingango Ye ti to nda ti amandango Bible. Na nze ti mars e ye ti sala mbeni ngangu so azia ni nde ti to nda ti amandango Bible na da. Sala ndulu tënë ti ye so asi na yâ Kusala ti Royaume ti nze ti février 1999, lembeti 4, paragraphe 8. Tongana mbeni zo ato nda ti mbeni mandango Bible na yâ buku Hingango Ye ade ti ninga pëpe, lo lingbi ti haka peko ti lege so lo sala ni. Dabe zo oko oko na ndo “Awango ti Fa na Buku Hingango Ye,” na yâ supplément ti Kusala ti Royaume ti janvier 2002. Na salango kusala na buku ni, fa na gigi oko ti awango ni na ndo lembeti 6 ti supplément ni na gbe ti tënë “Hundango Ye Polele.”

pn 16: “Ngbanga ti Nyen E Ngbâ Lakue ti Fa Tënë?”d Ko nda ni na hundango tënë na awafango tënë oko wala use so ala ngbâ lakue ti fa tënë teti ngu mingi. Hunda ala ti sala atënë ti bibe ti ala tongana ngbanga ti nyen ala ngbâ lakue na yâ kusala so, nga tongana nyen ala yeke wara nzoni dä.

Bia 223 na sambela ti nda ni.

[Akete tene na gbe ni]