Kapa ti Bungbi ti Kusala

Yenga ti 10 septembre

Bia 86

pn 10: Akete tene na atokua ti Kusala ti Royaume so alingbi.

pn 13: Aye so atia kongregation.

pn 22: “Mo Yeke Sala Kusala ti Mo Kue?”a Na peko ti so i sala lisoro na ndo ti aparagraphe 1-3 na azo so aga, sala andulu démonstration use na ndo kode ti fango apériodique; oko ni ayeke na lege ti Tour ti Ba Ndo ti lango 15 ti septembre nga use ni na lege ti Réveillez-vous! ti lango 22 ti septembre. Na pekoni so i sala lisoro na ndo ti paragraphe 4, sala démonstration na ndo ti fango ye so a mu, na buku Hingango Ye.

Bia 124 na sambela ti nda ni.

Yenga ti 17 septembre

Bia 92

pn 15: Akete tene. Tene ti acompte. “A Yeke na yâ Index.” Fa tongana nyen ti wara akode ti fango ye na ndo angbele buku kue so angbâ.

pn 15: E Sala Tongana Nyen na Ngu so Ahon? Diskur so surveillant ti kusala asala. Fa apendere ye so a wara na yâ tondo ti kongregation teti ngu ti kusala ti ngu 2001. Gonda azo oko oko kue teti anzoni ye so ala sala. Luti mingi na ndo ye so kongregation asala na yâ gango na bungbi, fango tene lakue, nga na kusala ti mandango Bible, na fango na gigi awango so alingbi ti mu maboko ti gue na li ni. I zia na gbele i aye so i lingbi ti wara teti ngu so ayeke ga.

pn 15: Akiringo Tene na Ahundango Tene ti I. Diskur. I kiri i ba kapa ti abungbi ti fango tene ti yenga oko oko teti kongregation. Fa tongana nyen azo kue so aga alingbi ti sala si lisoro na abungbi so akpengba azo mingi. Wa kongregation ti mu mbage ti ala na aye so a leke teti kusala.

Bia 129 na sambela ti nda ni.

Yenga ti 24 septembre

Bia 97

pn 15: Akete tene. I sala kusala na awango so a mu na yâ “Ye ti Tene na ndo Apériodique,” sala démonstration use; oko na lege ti Tour ti Ba Ndo ti kozo lango ti octobre nga use ni na lege ti Réveillez-vous! ti lango 8 ti octobre.

pn 30: E Ndoye Nzapa, Pepe Aye ti Sese So. (1 Jean 2:15-17) Diskur nga na pekoni lisoro na azo so aga so a kiri aba kapa ti kota bungbi ti circonscription so a sala na ngu ti kusala so ahon. Tisa awafango tene ti sala tene na ndo ti angbongboro tene so ala manda nga tongana nyen ala wara lege ti sala kusala na ni ala mveni wala na sewa. (A lingbi ti kangbi kozoni ambeni mbage ni na popo ti awafango tene.) Gboto lê mingi na ndo ambage ti programme so: (1) “Ndoye Teti Nzapa Amu Ngangu na E na yâ Kusala ti E.” Mara ti ndoye tongaso amu maboko na e ti hon ndo ti asioni bibe so alingbi ti sala si e kiri na peko na yâ kusala ti e ti fango tene, tongana kamela, bibe so e lingbi pepe na mbito ti azo. (2) “Azo so Andoye Jéhovah Ake Ye so Ayeke Sioni.” (wF99 1/10 28-31) Songo ti e na Nzapa aluti na ndo kengo ye so lo ke, gi pepe aye ti sioni so e ba polele me nga aye ti sioni so ayeke na gbe ni. (3) “E Mu Lege ti Ndoye so Ayeke Nde Mingi.” (wF92 15/7 27-30) Kozo Mbeti ti aCorinthien 13:4-8 afa ngbanga ti nyen e kanga bê na be-nze-pepe ndali ti asiokpari ti ambeni zo, e ke bibe ti kion na ti salango mandako, e kangbi pepe tene ti kpere-kpere so afuti zo, na e ngbâ be-biani na bungbi ti Nzapa. (4) “Aye so Ayeke na yâ Sese: E Ba ni Tongana Nyen?” A lingbi e ndoye pepe aye so ayeke na yâ sese, e tï pepe na yâ anzala ti mitele, e sala si anzala ti lê ahanda e pepe, wala e sala fandara ti akungba ti e pepe. (5) “Ti Duti Mbage ti Sese so Pepe Abata E.” Use Mbeti ti aCorinthien 6:14-17 afa tongana nyen ambeni tene ti mabe, ngobo ti salango ye, nga na salango ye alingbi ti sala si Nzapa ayeda na e pepe. A lingbi e hinga yâ ti ason so Zabolo aleke na e kpe ni. (6) “Azendo ti Nzapa Teti Azo so Andoye Lo.” (wF86 15/6 5-6) Adeba nzoni ti Jéhovah asala si fini ti e aduti na ngia mingi ahon na e wara amosoro na lege ti yingo.​—1 Tim. 6:17-19.

Bia 133 na sambela ti nda ni.

Yenga ti 1 octobre

Bia 106

pn 10: Akete tene. Dabe awafango tene ti mu rapport ti kusala ti ala ti nze ti septembre.

pn 15: Tongana Nyen Mbi Lingbi ti Sala Nzoni Ahon na Ekole? Mbeni ancien na wali ti lo wala mbeni serviteur ti mungo maboko na wali ti lo asala tene na molenge ti ala so angbâ ti gue na ekole. Ala gi bê ti ala teti so molenge ni ayeke manda mbeti nzoni pepe na ekole. Ala kiri a ba wango so ayeke na yâ Les jeunes s’interrogent, chapitre 18, na ala sala lisoro na ndo ye so a hunda na molenge ni ti sala nzoni ye ahon. Babâ na mama ni aluti mingi na ndo nene ti wara mbeni nzoni kozo fango ye si molenge ni alingbi ti sala kusala na anzoni kode kue so lo yeke na ni teti kusala ti nzoni-kue.

pn 20: “A Kanga Lege na Fango Tene?”b Gboto lê na ndo nene ti zia aye na ndo so alingbi na yâ kua ti nginza, na ziango na sese akozo ye so abata si aye ti Royaume aduti na kozo ndo. Tisa ambeni mokonzi ti sewa na yâ kongregation ti fa tongana nyen ala hon ndo ti kpale ti mu aye ti mitele na azo ti sewa ti ala san ti tene ala zia si aye so atia ala na lege ti yingo akiri na peko.

Bia 137 na sambela ti nda ni.

[Akete tene na gbe ni]