Kapa ti Bungbi ti Kusala

KETE TENE: Fade Kusala ti Royaume ni ayeke duti ande na programme ti Bungbi ti Kusala teti yenga oko oko na yâ anze so i yeke sala akota bungbi ti i ti district. Akongregation alingbi ti gbian aye na yâ ni alingbi na ni ti mu lege na azo ti gue na Kota Bungbi ti District “Awafango Tene ti Nzapa.” Kozoni ti gue na kota bungbi ni, mu apenze-ngbonga 15 na ndangba mbage ti Bungbi ti Kusala ti kiri ti ba akota wango so a mu na yâ supplément ti Kusala ti Royaume ti nze so, so peut-être alingbi na kongregation ni. Na ngoi ti yenga so aga na peko ti kota bungbi ti i ti district, a yeke leke mbeni Bungbi ti Kusala ti dabe na angbongboro tene so a manda na kota bungbi ni. Na yâ lekengo tele teti lisoro so, zo kue na popo ti e alingbi ti mu note nzoni na ngoi ti kota bungbi ni, nga molongo ti atene so e ye ti sala kusala na ni na yâ fini ti e mveni nga na yâ kusala ti fango tene. Tongaso e lingbi ti leke tele ti e ti fa tongana nyen e sala ye alingbi na awango so ngbele ye na ngoi so e ga na kota bungbi. Ti mä tongana nyen e wara ye ti nzoni na lege ti nzoni fango ye so e wara ayeke duti ande ye ti kpengba tele na popo ti mba.

Yenga ti 14 mai

Bia 3

pn 6: Akete tene na atokua ti Kusala ti Royaume so alingbi. Ba kete tene so ayeke na nduzu na ndo ti agbiango ye so a sala na yâ Bungbi ti Kusala nga ye so a leke teti Bungbi ti Kusala ti yenga so aga na peko ti kota bungbi ti i ti district, ngoi so a yeke sala ande dango bê ti angbongboro tene so e manda na kota bungbi ti district.

pn 9: Ye nyen mo leke teti Ngoi ti Hungo Tele? Mbeni ancien wala serviteur ti mungo maboko nga na sewa ti lo asala lisoro na ndo ti aye so ala leke ti sala na yâ ngoi so ala yeke hu ande tele. Ala sala lisoro na ndo kusala ti pionnier auxiliaire, na peut-être ti sala ngia kete. Ala kue ayeda so ala ye pepe ti ba na nene ni pepe akusala ti théocratie, tongana guengo na abungbi ti kongregation, mungo mbage na yâ fango tene, nga na mandango Bible na sewa, atä ala tambela na mbeni ndo nde. Ala yeke bata nzoni si ala tokua rapport ti kusala ti ala hio na secrétaire, atä ala yeke na da ti ala wala ala gue na mbeni ndo nde.

pn 14: “Akota Bungbi: Ngoi ti Ngia!” Diskur so mbeni ancien asala. Fa ngbanga ti nyen na ngoi so a sû Bible a sala akota bungbi ti azo ti Jéhovah na ngbanga ti nyen ala ga nga na ye ti nzoni laso. Angoi so akpengba azo na amu kobe ti yingo so ayeke kota ye mingi. Gboto lê na ndo nene ni ti tene zo oko oko ague na alango ota kue ti kota bungbi ti district.a

pn 16: “A Leke Ye ‘Mbilimbili na Lege Ni.’ ”b Fa ambeni kota ye so a lingbi a leke ti sala na mbeni kota bungbi. Gboto lê na ndo nene ni ti sala kusala maboko na maboko kue na aye so a zia na sese teti nzoni ti e. Kiri mo ba aye so na lege ni e kue e lingbi ti fa tâ yekiango ndo na ti kpe akpale so ayeke senge senge.c

Bia 31 na sambela ti nda ni.

Yenga ti 21 mai

Bia 52

pn 10: Akete tene. Tene ti acompte.

pn 17: “Mä Tene na Manda Ye Mingi ahon.” Diskur nga lisoro na azo so aga. Fa ngbanga ti nyen wango-tene so e wara na akota bungbi ayeke kobe ti yingo so ayeke kota ye mingi so a lingbi e wara. Sala tene na ndo gbâ ti ngoi nga na ngangu so a hunda ti leke mara ti programme tongaso. Tisa azo so aga ti fa ye so ala oko oko kue alingbi ti sala si ala nga na ambeni zo alingbi wara ye ti nzoni mingi dä. Luti mingi na ndo nda ni so a lingbi e oko oko kue e duti na place ti e tongana abungbi ato nda ni.

pn 18: “Sala Nzoni na Zia Azo Agonda Mo!”d Fa ngbanga ti nyen e gboto lê ti azo mingi na mbage ti e tongana e gue na mbeni kota assemblée.e Anzoni tene so alondo na azo so ayeke ba e akiri asala tene ti témoin ti Royaume, me asioni tene alingbi ti tomba azo. Fa ambilimbili ye so a lingbi e sala ti fa na gigi so e yeke na alengo ti Chrétien so na popo ni a wara nga tâ bingo bê na azo.

Bia 105 na sambela ti nda ni.

Yenga ti 28 mai

Bia 58

pn 13: Akete tene. Dabe ti awafango tene ti mu rapport ti ala ti kusala ti mai. I kiri i ba Akiringo Tene na Ahundango Tene ti I.

pn 15: Aye so atia kongregation.

pn 17: “Tene ti Nzapa Ayeke na . . . Ngangu.”f Yôro na yâ ni adémonstration use so a leke nzoni, so afa tongana nyen afango ye ndulu alingbi ti gboto lê na ndo Tene ti Nzapa.

Bia 79 na sambela ti nda ni.

Yenga ti 4 juin

Bia 100

pn 12: Akete tene na aye so asi na yâ fango tene.

pn 15: “Zia E Mu Mbage ti E Kue na yâ Kusala ti Kongo Le-kobe.”g Na ngoi so i yeke sala lisoro na ndo ti paragraphe 4, yôro na yâ ni tapande so ayeke na yâ ti Tour ti Ba Ndo ti kozo lango ti octobre ngu 1996, lembeti 18, paragraphe 10, so afa ambeni ye so ambeni ita asala ti kono yâ ti kusala ti ala.

pn 18: “E Fa Tene Awe Fani Mingi na yâ Territoire ti E!”h Surveillant ti kusala ayeke sala ni. (Akongregation so ayeke pepe na territoire so a yeke sala ka kusala dä mingi alingbi ti kiri ti ba article “Apériodique Afa Tene ti Royaume,” na yâ ti Kusala ti Royaume ti octobre 1998.) Sala lisoro na ndo ye so kongregation alingbi ti sala ti fa tene nzoni ahon na ngoi so a yeke sala kusala na yâ ti territoire. Fa ambeni ye so asi so ayeke na yâ ti Annuaire 1997, lembeti 204, nga na yâ ti La Tour de Garde ti lango 15 ti nze ti février ngu 1996, lembeti 26. Luti mingi na ndo nene ni ti bata nzoni ambeti ti fango tene da na da, na bango peko ti azo so a wara ala pepe na yanga-da, nga ti kiri hio ti sala afini vizite.

Bia 142 na sambela ti nda ni.

[Akete tene na gbe ni]