Abungbi ti Kusala

Yenga ti 12 mars

Bia 112

pn 10: Akete tene. Atokua ti Kusala ti Royaume so alingbi.

pn 15: Aye so atia kongrégation.

pn 20: “Avril: Ngoi ti ‘Sala Kusala Ngangu na ti Tiri.’” (Aparagraphe 1-13) Fade surveillant-président ayeke sala ni. Mbeni lisoro so a sala na wâ na ndo ye so e ye ti sala na avril. Wa azo kue na yâ ti kongrégation ti sala ngangu si awafango tene oko oko kue amu mbage ti ala na yâ kusala ti fango tene na nze so.

Bia 147 na sambela ti nda ni.

Yenga ti 19 mars

Bia 166

pn 8: Akete tene. Tene ti acompte.

pn 17: E Sala Nzoni Kusala na Annuaire 2001. Diskur nga na lisoro na azo so aga. I ba “Rapport Mondial: Totaux Pour 2000” na lembeti 31. Sala lisoro na ndo “Lettre du Collège Central,” na alembeti 3-5. Hunda ambeni ita ti sala tene na ndo mbeni tondo wala mbeni ye so asi na yâ ti fini Annuaire so amu mbilimbili maboko na ala na akpengba mabe ti ala. Wa azo ti sewa ti diko Annuaire ni kue na sewa ti ala, legeoko tongana ti so sewa ti Béthel na ndo sese kue asala na yâ ngu ni. Gboto lê na ndo ti ahundango tene so ayeke na lembeti 255, so mo lingbi ti sala kusala na ni ti dabe na ye so a manda. Hunda ti tene a fa tongana nyen ti sala kusala na Annuaire ni ti mu maboko na awamandango Bible ti ba na nene ni mingi ahon bungbi ti Jéhovah nga na matabisi ti duti oko ti azo ti yâ ni. (Tongana Annuaire 2001 ade asi pepe, sala kusala na article ti Tour ti Ba Ndo ti kozo lango ti janvier 2001 na alembeti 28 ti si na 31 nga na ambeni ye so asi na yâ Annuaire 2000).

pn 20: “Avril: Ngoi ti ‘Sala Kusala Ngangu na ti Tiri.’” (Aparagraphe 14-30) Fade surveillant ti kusala ayeke sala ni. Diskur so a sala ambeni mbage na lege ti ahundango nga na akiringo tene. A lingbi zo oko oko aleke mbeni nzoni programme ti mu mbage mingi ahon na yâ kusala ni na nze ti avril. Fa programme kue ti abungbi ti fango tene so a leke teti nze ni. Wa azo kue so alingbi ti sala ni ti mu kusala ti pionnier auxiliaire na ti wara mbeni demande ni na peko ti bungbi.

Bia 188 na sambela ti nda ni.

Yenga ti 26 mars

Bia 204

pn 10: Akete tene. Fa so ngoi angbâ ti bi mbeni demande ti ga pionnier auxiliaire na avril. Wa azo kue ti bata programme ti dikongo Bible teti Mémorial so a leke ni ti to nda ni na lango 3 ti si na 8 ti nze ti avril, tongana ti so a fa na yâ ti Gingo Nda ti Tene ti Nzapa Lâ Oko Oko​—2001. Fa lango so ayeke sala mandango Tour ti Ba Ndo teti yenga ti Mémorial ni. Glisa pepe kota diskur so ayeke nde na dimanche lango 1 ti nze ti avril, so li ti tene ni ayeke “Zo Wa Alingbi ti Sö Kuâ?” Wa zo kue ti mu mbage ti lo na yâ kusala ni na lango so na salango si a to nda ti nze ti avril ni nzoni.

pn 20: “Zia E Kue E Yekia Jéhovah na Molenge ti Lo.” Diskur so mbeni ancien asala na ndo Mbeti ti Nzapa so apusu zo ti sala ye. Wa zo kue ti mu ngoi kue so ala lingbi ti mu teti kota kusala so a leke teti avril na ti sala ngangu kue ti tisa azo na Mémorial.

pn 15: Lekengo Tele Teti Fango aPériodique ti E. E yeke fa ande Tour ti Ba Ndo na Réveillez-vous! na nze ti avril. I ba lembeti 8, aparagraphe 3 na 10, ti Kusala ti Royaume ti avril 1997 (lembeti 12 teti Sénégal; ti Cameroun ba Kusala ti Royaume ti décembre 1996). Gboto lê na ndo (1) mbeni article, (2) mbeni mbilimbili tene ti sala lisoro dä, (3) mbeni hundango tene so azingo nzala ti mä tene ni, nga na ndo (4) mbeni versê so a mu na tâ ngoi ni na so a lingbi ti sala kusala na ni nzoni na yâ fango afini périodique oko oko. Sala ngangu ti sala kusala na brochure Ahunda wala na buku Hingango Ye ti to nda ti amandango Bible na azo so asala nzala ni. Hunzi na mbeni démonstration so a leke ni nzoni na ndo lege so a lingbi ti sala na kozo vizite ni.

Bia 207 na sambela ti nda ni.

Yenga ti 2 avril

Bia 220

pn 9: Akete tene. Dabe ti awafango tene kue ti mu rapport ti ala ti kusala ti mars. I kiri i ba “Adango Bê Teti Mémorial.”

pn 18: “Ndoye Apusu E ti Fa Tene.”* Gboto lê mingi na ndo aversê so ayeke na yâ article ni. Yôro na yâ ni abibe so ayeke na yâ ti Perspicace, Volume 2, lembeti 633, paragraphe 3. Tisa mbeni wafango tene so afa tene teti angu mingi ti fa tongana nyen ndoye teti Nzapa apusu lo ti ngbâ lakue na yâ kusala ti fango tene. Wa awafango tene kue ti mu mbage na yâ kusala ti fango tene na nze ti avril ni nga na nze oko oko so ayeke ga na pekoni.

pn 18: “Mu Maboko na Ambeni Zo ti Ga na Abungbi.”a Supplément ti Kusala ti Royaume ti décembre 1996, aparagraphe 14-16, (août teti Cameroun) amu ambeni kode ti guengo na awamandango Bible na mbage ti bungbi ti Jéhovah. Fa tongana nyen a lingbi ti sala kusala hio na brochure Ahunda (ye ti manda 5, paragraphe 7) nga na buku Hingango Ye (chapitre 5, paragraphe 22) ti mu maboko ti tene ala gue na bungbi. Ti mu mbeni tapande, sala mbeni démonstration so a leke nzoni ti mbeni wafango tene ti kode, so na wâ amu maboko na mbeni wamandango ye ti bi bê nzoni na ndo guengo na abungbi.

Bia 47 na sambela ti nda ni.