Abungbi ti Kusala ti Février

Yenga ti 31 janvier

KETE TENE: Fade Kusala ti Royaume ayeke duti ande na programme ti bungbi ti kusala teti yenga oko oko na yâ ti nze so. Fade akongrégation ayeke gbian aye alingbi na ni na hingango so ala yeke gue na assemblée ti district “Atene ti Prophétie ti Nzapa” nga so ala yeke sala ande na bungbi ti kusala ti yenga ti peko, mbeni dango bê ti penze-ngbonga 30 ti akota tene ti programme ni. A yeke mu dango bê ti lango oko oko kozoni na aita-koli use wala ota so ayeke fa na gigi akota tene ni. Tongana a leke ni nzoni, a yeke mu maboko na azo ti kongrégation ti dabe ti ala na akota tene ni, tongaso si ala bata ti sala na ye na yâ fini ti ala nga ti sala na kusala na fango tene. Fade atene ti aita na atapande so afa aduti ndulu na polele.

Bia 39

pn 10: Akete tene. Atokua ti Kusala ti Royaume so alingbi. Sala tene na ndo kusala ti fango tene so asala na nze ti mai na yâ kodoro ni nga na yâ ti kongrégation. E tisa awafango tene kue ti fa tene na nze ti février.

pn 17: “E Yeke Fa Tene na Ziango na Gbele E Mbeni Ye?” Zia si akozo tene ti mo ahon penze ngbonga oko pepe, na pekoni, sala lisoro na ndo article ni na lege ti ahundango tene na akiringo tene. Yôro ambeni tene so agboto na yâ buku Notre ministère, alembeti 89-90. Wa awakua kue ti sala ye na lege ni nga na bê kue na yâ kusala ti ala ti fango tene.

pn 18: “Ababâ na Mama, I Mu Tapande na Amolenge ti I.” Mbeni ancien asala ndulu tene ti tongo nda ni, na pekoni, aita use so ayeke ababâ ti sewa asala lisoro na ndo article ni. Ala fa nzala ti bê ti ala ti bata amolenge ti ala na gbele asioni ngangu so ala yeke wara ni na ekole, tongana ala yeke ba limon na tongana ala yeke na popo ti azo ti sewa ti ala wala ambeni zo nde so ayeke aTémoin pepe. Aita ni asala tene ti asalango ye na kpengo mbito ti zo pepe, salango tene na yungo bongo so a ba na sese so nga na asioni salango ngia. Na pekoni so ala gbu li na ndo nene ti mu mbeni nzoni tapande, ala gbu li na ndo alege ti maï na bê mbeni kota wâ teti mandango ye na sewa, abungbi ti kongrégation nga na fango tene.​—Ba Tour ti Ba Ndo ti 1 juillet 1999, al. 18-32, na Réveillez-vous! ti 22 septembre 1991, al. 8-9.

Bia 148 na sambela ti nda ni.

Yenga ti 7 février

Bia 138

pn 8: Akete tene. Tene ti acompte.

pn 12: Apionnier amu maboko na ambeni zo: ye nyen asala awe? Diskur na ahundango tene so surveillant ti kusala ayeke sala. Dabe na awango-tene so amu na yâ Kusala ti Royaume ti mars 1999, l. 4. Fa tongana nyen a sala kusala na ni na yâ kongrégation na sala tene na ndo guengo na li ni ti azo so awara mungo maboko ni. Hunda tene na apionnier oko wala use nga na ambeni wakua so awara nzoni na lege ti mungo maboko ti ala. Wa ala so ayeke wara ande mungo maboko so ti gi ti wara nzoni mingi ahon na lege ni.

pn 25: “A Zi na Mo Fadeso Awe Yanga-da so Ague na Kusala ti Pionnier?” Ahundango tene na akiringo tene so mbeni ancien amu li ni. Na mbeni lege so amu wâ na zo, fa alege wa azi ti tene awafango tene mingi aga pionnier. Hunda na apionnier ti fa tongana nyen ala hon ndo ti ambeni kpale so ayeke si lakue. Ba “Programme ti Apionnier Permanent” na fango so mbeni nzoni lekengo tele amu lege ti wara wungo ti angbonga so ahunda. Fa so ala kue so aye ti wara mbeni demande ti kusala ti pionnier alingbi ti wara mbeni oko na peko ti bungbi.

Bia 202 na sambela ti nda ni.

Yenga ti 14 février

Bia 131

pn 10: Akete tene. A ngbâ gi nda-yenga use ti hunzi nze ti février; tisa zo oko oko ti fa tene kozoni si nze ni ahunzi.

pn 15: Akiringo Tene na Ahundango Tene ti I. Diskur so mbeni ancien amu.

pn 20: I yeke sala adisciple? Lisoro na kongrégation. Teti kota wungo ti ambeti so akangbi, a lingbi e zia na gbele e ti to nda ti amandango Bible ti mu maboko na azo ti wara nzoni na lege ti ambeti so ala yeda na ni. Hunda na ambeni wakua ti fa tene na ndo akpale so akanga lege na ala ti manda Bible na azo mingi ahon: 1) A yeke ngangu ti wara azo so ayeda ti manda Bible. 2) Ambeni zo so afa na gigi nzala ti tene ni atene ala lingbi ti manda ye pepe teti ala yeke na ye mingi ti sala. 3) Tongana a to nda ti mbeni mandango Bible, a yeke ngangu ti wara zo ni na ndo ti lo ti tene e manda ni lakue. Sala tene nga na ndo bibe so peut-être ambeni wakua ayeke na ni na ndo amandango Bible: 1) ‘Mbi ba tele ti mbi so mbi lingbi pepe ti manda ye na zo.’ 2) ‘Mbi yeke na ngoi pepe ti manda Bible na mbeni zo yenga na yenga.’ 3) ‘Mbi kpe ti mu zendo ti gue lakue na mbeni zo.’ 4) ‘Mbi yeke bi tele ti mbi gi na ambeni mbage ti fango tene.’ Mu awango so akpengba zo ti hon ndo ti aye so akanga lege ti tene zo amu mbage ti lo mveni na kusala ti salango adisciple. Hunda na awakua so alê lengo ti sala tene ti ngia so ala wara na yâ amandango Bible.​—Ba supplément ti Kusala ti Royaume ti octobre 1998, §3-8, 12-15.

Bia 100 na sambela ti nda ni.

Yenga ti 21 février

Bia 94

pn 10: Akete tene.

pn 15: E mu maboko na ala so asala nzala ti tene ni ade ti ninga mingi pepe ti ba nene ti mariage. Mbeni ancien asala lisoro na kongrégation na ndo buku Comment raisonner al. 224-5. E yeke wara azo so ayeke yeda na ngia na tene ti Royaume, me so ayeke gue na li ni hio pepe teti so ala duti na mbeni koli wala wali me na lege ti mariage pepe. Fa tongana nyen ti mu maboko na ala ti hinga nzoni ngbanga ti nyen a lingbi aChrétien ayekia akpengba ndia ti mariage. (Ba Réveillez-vous! ti 8 janvier 1992, al. 26-7.) Fa tongana nyen ti mu maboko na nzobe na akoli na wali tongaso ti hinga so ala lingbi pepe ti ga mbage ti kongrégation tongana ade ala leke pepe na lege ti ndia dutingo ti ala.

pn 20: “E Lingbi ti Tene Nyen na Mbeni Bouddhiste?” Na lege ti ahundango tene na akiringo tene. Fani mingi, e yeke hunda tele ti e na ndo ye so a lingbi e tene tongana e wara na yâ territoire ambeni zo ti ambeni lege ti vorongo so ayeke pepe ti aChrétien, na so e hinga nzoni pepe bibe, salango ye nga amatanga ti vorongo ti ala. Article so ayeke kozo ni ti a-article oku so afa tene na ndo ye so. I sala mbeni démonstration so aleke ni nzoni. I yeke wara nga ambeni tene na ndo lege ti vorongo ti aBouddhiste na yâ supplément ti Kusala ti Royaume ti nze ti août 1998; buku Comment raisonner, l. 21; nga L’humanité à la recherche de Dieu, chap. 6.

Bia 133 na sambela ti nda ni.

Yenga ti 28 février

Bia 99

pn 10: Akete tene. Dabe ti azo oko oko ti sala rapport ti kusala ti ala ti fango tene ti nze ti février. Ala so amu li ni na amandango buku ti kongrégation ayeke ba ande nzoni wala zo oko oko ti bungbi ti ala asala ni, si bungbingo arapport kue ahunzi teti lango 6 ti mars.

pn 17: E ndoye aita ti e. Diskur so mbeni ancien amu ni, so a ba nga lisoro na kongrégation na ndo Tour ti Ba Ndo ti 1 décembre 1995, al. 28-30, §7-11. Fa anzoni ye so e yeke wara na popo ti e tongana e manda ti hinga nzoni aita ti e, tongana e wa tele na popo ti e na tongana e mu maboko na popo ti e na ngoi so akpale asi. Fa tongana nyen na mbeni lege wa e lingbi nga ti sala ye nzoni ahon na ndo so. Tisa azo so aga ti fa tongana nyen amungo maboko ti ndoye ade bê ti ala na akpengba ala.

pn 18: E fa nda ti tene ti beku ti e. Mbeni ancien asala lisoro na apendere oko wala use so ayeke mu nzoni tapande na so angbâ ti gue na ekole. Ala yeke duti lakue na yâ ti aye so asala si akamarade ti ala aye ti hinga ngbanga ti nyen aTémoin so angbâ pendere aye pepe ti bungbi oko na ala na yâ akusala ti ala. Na mungo angoi so ti fa na nda ti atene ti mabe ti ala so aluti na ndo Bible, a lingbi ala luti na ngangu na gbele aye so. Ala sala tene na ndo ye so apendere alingbi ti sala tongana a hunda na ala ti nyon manga wala mbangi. I kiri i ba tene so a fa na yâ buku Les jeunes s’interrogent, al. 277-81. Fa so na lekengo na bê ti sala ye so ayeke mbilimbili, ala yeke bata tele ti ala na ala yeke mu mbeni nzoni tene ti témoin.

Bia 129 na sambela ti nda ni.