AYE TI MANDA

E lingbi ti gi ti duti zo so ayeke mû merci na ti ngbâ ti sara ni tongana e gbu li ti e na ndo ti anzoni ye so e yeke na ni nga e kiri merci na Jéhovah ndali ni. Tongana e bâ na nene ni ye kue so Jéhovah asara na e, a yeke mû maboko na e ti duti nduru ti kiri singila nga a yeke mû maboko na e ti gbu ngangu na yâ ti atara. Versê ti ngu 2015 ayeke dabe ti e na ndo ti tënë so na yâ ti ngu ni kue.

Article so afa polele ndani so a lingbi e sara Matanga ti Dango Bê na kuâ ti Jésus. Article ni afa ye so mapa na vin ti Dango Bê na kuâ ti Jésus aduti fä ni nga afa tongana nyen la mbeni zo ayeke hinga wala a lingbi lo te mapa ni nga lo nyon vin ni. Article ni ayeke mû nga maboko na e oko oko kue ti hinga tongana nyen la e lingbi ti leke tere ti e ndali ti Kobe ti Seigneur.

Azo so asara mariage awe ayeke wara akpale mingi nga na atara mingi. Me grâce na mungo maboko ti Jéhovah, ala lingbi ti kpengba mariage ti ala nga ti wara ngia na yâ ni. Kozo article ni ayeke sara tënë na ndo ti aye oku so alingbi ti sara si mbeni mariage akpengba nga aninga. Use article ni ayeke fa tongana nyen la e lingbi ti bata mariage ti e.

Tâ ndoye na popo ti koli na wali ayeke nyen? Koli na wali alingbi ti ngbâ ti ye tere lakue? Tongana nyen la ala lingbi ti fa so ala ngbâ ti ye tere? Bâ ye so Bia ti Salomon afa na e na ndo ti tâ ndoye.