TI MANDANGO NI

Nzapa so zo alingbi ti bâ lo ape la asara dunia so zo yeke bâ. Mo yeda na tënë so na bê ti mo kue? A yeke azo kue la ayeda na ni pëpe. Tongana nyen la e lingbi ti mû maboko na azo ti hinga tâ tënë na ndo ti Wasarango ye nga ti kpengba mabe ti e na lo? Article so ayeke mû maboko na e ti sara ni.

A wa aChrétien ti ga angbâa ti Jéhovah. Article so afa na e aye so a leke ndali ti angbâa na yâ ti Ndia ti Moïse, a fa na e nga ye so e lingbi ti sara ti ga pëpe ngbâa ti Satan nga na aye so dunia ti lo aleke ti gboto lê ti e. Article so afa nga tongana nyen la angbâa so ayeke be-ta-zo na Nzapa awara gbâ ti aye ti nzoni.

Tongana lâ na lâ e diko Bible nga e gbu li ti e na ndo ti aye so e diko, sambela ti e ayeke ga nzoni mingi. Sambela so aLévite asara ndali ti azo ti Nzapa so a sara tënë ni na yâ ti kozo article so, a fa so tënë so ayeke tâ tënë. Use article ni afa tongana nyen la e lingbi ti sara ye ague oko na mbeni sambela ti Jésus. Asambela so use kue afa na e so a lingbi e hunda na yâ ti asambela ti e aye so agbu bê ti Jéhovah kozo si e hunda ati ti e wani.