TI MANDANGO NI

AYE TI MANDA

▪ Ala so aye Jéhovah ‘apika gere ti ala na ye oko pëpe’

A-Chrétien kue ayeke na yâ ti mandako ti kpengo loro so futa ni ayeke fini ti lakue lakue. Me teti so e yeke na siokpari na yâ ti tere ti e, e kue e yeke pika gere ti e. Article so ayeke mû maboko na e ti hinga aye oku so alingbi ti sara si e pika gere ti e. A yeke fa nga na e tongana nyen la e lingbi ti kpe aye ni so si e sö benda.

▪ Mo yeke na “bê ti hinga” Jéhovah?

Mbeti ti Jérémie asara tënë mingi na ndo ti bê ti e na lege ti fä. Article so ayeke mû maboko na e ti hinga nda ti tënë ‘fâ bê na ganza pëpe’ nga tongana nyen la a lingbi ti duti mbeni kpale même teti aChrétien. A fa nga tongana nyen la e lingbi ti wara “bê ti hinga” Jéhovah.—Jér. 9:26; 24:7.

▪ So ala “hinga Nzapa awe,” a lingbi ala sara nyen fadeso?

Aye wa e sara so amû lege na e ti tene e na Nzapa e hinga tere? Aye wa la ayeke nzoni e ngbâ ti sara ti maï na lege ti yingo, même tongana e ga Chrétien asara angu mingi awe? Ngbanga ti nyen la a yeke nzoni ti sara aye ni so? Article so ayeke mû maboko na e ti kiri tënë na ahunda so.

▪ Jéhovah ayeke ndo ti duti ti e

E yeke na yâ ti mbeni dunia so azo ni aye tënë ti e pëpe. Me a lingbi e sara mbeto pëpe. Article so afa tongana nyen la e yeke na mbeni nzoni ndo ti duti so ayeke Jéhovah Nzapa ti e.

▪ Mû gloire na kota iri ti Jéhovah

Ti hinga iri ti Nzapa aye ti tene nyen? Ti tambela na iri ti Nzapa aye ti tene nyen? Tongana nyen la Nzapa abâ azo so ane iri ti lo ape? Article so akiri tënë na ahunda so.