TI MANDANGO NI

AYE TI MANDA

▪ Gbu ngangu Jéhovah ayeke na mo!

Bible asara tënë ti azo mingi so asara ye na mabe nga na mbeto pëpe. Tongana e gi ti bâ ambeni ye so asi na ala, a yeke kpengba mabe ti e na e yeke sara na Jéhovah na mbeto pëpe mingi ahon ti kozo. Article so asara tënë na ndo ti versê ti e ti ngu 2013.

▪ Zia lege pëpe na mbeni ye ti gue na mo yongoro na Jéhovah

▪ Ngbâ ti ga nduru na Jéhovah

Ambeni ye mingi ayeke dä na yâ ti fini ti e so ayeke e la e yeke soro ni ape, aye tongana babâ na mama ti e, aita ti e nga ndo so a dü e dä. Me ti songo ti e na Jéhovah ayeke nde. E lingbi ti soro ti ga nduru na lo wala ti ga nduru na lo ape. A-article so asara tënë na ndo ti aye mbasambala so a lingbi e zia lege na ni pëpe ti gue na e yongoro na Jéhovah.

▪ Sara na Jéhovah sân ti regretté

E kue e sara awe ambeni ye so e tene tongana a kiri na aye ni so na peko e yeke sara ni ape. Me a lingbi e zia pëpe si aye so e regretté ni akanga lege na e laso na yâ ti kua so e yeke sara na Nzapa. Na yâ ti article so, e yeke bâ na lege ti tapande ti Paul tongana nyen la e lingbi ti ngbâ ti sara na Jéhovah sân ti regretté.

▪ A-ancien ayeke ‘amba ti e awakua ndali ti ngia ti e’

Na yâ ti use lettre so Paul atokua na aCorinthien, lo sara tënë ti lo na amba ti lo, lo tene: “E yeke amba ti ala awakua ndali ti ngia ti ala.” (2 aCor. 1:24). Tongana nyen la atënë ti Paul so alingbi ti sara ngangu mbilimbili na ndo ti a-ancien? Tongana nyen la e oko oko kue e lingbi ti sara si congrégation aduti na ngia? E yeke bâ akiringo tënë ni na yâ ti article so.