Kozoni a ke ala, na pekoni a ye ala

A NINGA awe, Santiago na wali ti lo, Lourdes, alondo ague na pendere gbata ti Huillcapata, na kodoro ti Pérou, ti fa tënë ti Nzapa so amû beku na azo so ayeke kâ. Me, kete na pekoni, mbeni bua alondo na gbata ti Cuzco aga na lo bungbi azo ti kodoro ni na ndo oko. Bua ni atene na ala so singo ti aTémoin ti Jéhovah na popo ti ala ayeke ga ande na mbeni kota vundu nga ayeke sara si neige ayeke tï na ndo ti ala ti fâ anyama na ti buba yaka ti ala.

Tënë ti “prophétie” so azia mbeto na yâ ti azo mingi. Teti nze omene tongaso, zo oko na yâ ti gbata ni ti yeda na Santiago na Lourdes ti manda Bible ayeke pëpe. Use mokonzi-gbata ni atomba Santiago na Lourdes na ndo ti lege na bongo ala na tênë. Me ala sara ye lakue na siriri, tongana aChrétien.

Tongana ngoi ayeke hon, ambeni zo ti kodoro ni ayeda ti manda Bible. Même Miguel agbian sarango ye ti lo. Santiago ato nda ti manda Bible na lo. Na pekoni Miguel azia ti nyon sämba ahon ndo ni, na lo ga mbeni zo so ayeke sara ye na siriri. Na nda ni, Miguel, wali ti lo na amolenge ti lo ti wali use ayeda na tâ tënë ti Bible.

Laso, mbeni kongregation ti aTémoin ti Jéhovah so ayeke maï ayeke na yâ ti gbata so. Miguel ayeke na ngia so mingi ti atênë so lani lo bo na Santiago na Lourdes awara ala pëpe. Nga, lo kiri singila na koli na wali so ndali ti nzoni tapande ti ala ti sarango ye na siriri.

[Afoto na lembeti 32]

Sarango ye na siriri ti Santiago na Lourdes (na nduzu ge) amû lege lani na Miguel (na koti) ti changé bê ti lo