Ndoye so ayeke nzoni ahon kue

NA YÂ mingi ti atapande ti Mbeti ti Nzapa so aChrétien asû na yanga ti Grec, wala na yâ Testament ti Fini, tënë “ndoye” ayeke mbeni kiringo peko ti tënë ti Grec a·gaʹpe.

Na fango nda ti tënë so, buku ti salango na kusala Étude perspicace des Écrituresa atene: “[A·gaʹpe] ayeke pëpe bibe ti salango ndoye, so aluti gi na ndo senge salango songo tongana ti so azo ayeke pensé ka. Nde na so, a yeke mbeni ndoye so aluti na ndo nzara ti zo ti fa ndoye na gigi teti a ndu tënë ti kpengba-ndia, ye so a lingbi zo asala na mbeni zo, ye so alingbi, gingo na bê kue nzoni ti mba a lingbi na ye so ayeke mbilimbili. A·gaʹpe (ndoye) ahon ndo ti kengo tele na popo ti azo, na lo yeke zia lâ oko pëpe lege na aye so ti sala si mbeni zo azia anzoni kpengba-ndia nga ti kiri sioni teti sioni na mara ti kengo tele so ambeni zo afa ni na gigi.”

A·gaʹpe alingbi ti ndu nga bibe so alï mingi. Bazengele Pierre amû wango so: ‘I ndoye ambeni zo na popo ti i ngangu [a·gaʹpe]’. (1 Pierre 4:8). Ni la, a lingbi ti tene so a·gaʹpe andu nga bê, pëpe gi bibe. Ngbanga ti nyen ti bâ pëpe ambeni versê so afa na gigi ngangu nga aye so kue andu mara ti ndoye so ayeke nzoni ahon kue? Aversê so ge alingbi peut-être ti mû maboko: Matthieu 5:43-47; Jean 15:12, 13; aRomain 13:8-10; aEphésien 5:2, 25, 28; 1 Jean 3:15-18; 4:16-21.

[Kete tënë na gbe ni]