A tisa mo na wâ

KOBE ti Seigneur, so Seigneur Jésus Christ azia lani na sese a sala ndulu na angu 2 000 awe, ayeke pëpe gi senge tënë ti mbaï ti bi bê na ndo ni. Lo yeke sala ngangu na ndo azo ngbele ye na ngoi so a to nda ti sala ni. Teti so ye so ala diko na yâ ambaï ti Évangile na ndo ye so asi na bï ni so apika bê ti ala, azo mingi asala ngangu ti sala matanga ti Kobe ti Seigneur na yâ alege nde nde.

Ye so ayeke na lege ni teti so Jésus Christ mveni ahunda lani na adisciple ti lo ti sala matanga so na ti sala ni lakue. Lo tene mbilimbili na ala: “I sala so ti dabe i na Mbi.”​—Luc 22:19; 1 aCorinthien 11:23-25.

Biani, ti tene matanga ni aduti mbeni ye so zo ayeke wara nzoni dä, a lingbi lo hinga tâ nda ni, tongana ti so a wara ni na yâ Tënë ti Nzapa, Bible. Na ndo ni, a yeke kota ye mingi ti hinga ye so Bible atene na ndo ngoi nga lege so a yeke sala na matanga ni.

Na salango ye alingbi na komandema ti Jésus, aTémoin ti Jéhovah na ndo sese kue ayeke bungbi ande legeoko na mercredi lango 16 ti avril 2003 na lakui ti sala matanga ti dango bê na kui ti Jésus. A yeke duti ande mbeni ngoi teti ala ti diko Bible na ti kiri ti kpengba mabe na ndoye ti ala na mbage ti Seigneur Jésus Christ so atene: “Nzapa andoye sese so tongaso, Lo mû Molenge ti Lo ngengele oko, si zo so amä na bê na Lo alingbi kui pëpe, me lo yeke na fini ti lakue lakue.” (Jean 3:16). A tisa mo na wâ ti bungbi na ala na lakui ni so, na tongaso, mo nga kue mo lingbi ti kpengba mabe na ndoye ti mo na mbage ti Jésus Christ nga na Babâ ti yayu Jéhovah Nzapa.