Kota Mbeti Teti Mbeni Pendere Kusala

A YEKE ye so bungbi Association des Journalistes Congolais et Africains pour le Dévelopement (AJOCAD) ti République Démocratique ti Congo ayeke mu ti “gonda azo wala abungbi so aba tene ti nzoni duti ti azo so, na mbeni lege nde, asala pendere kusala ti mu maboko na maïngo ti [Congo].”

Na lango 17 ti nze ti novembre ngu 2000, a mu na aTémoin ti Jéhovah Kota Mbeti teti mbeni pendere kusala ngbanga ti “maboko so ala mu na maïngo ti zo oko oko ti Congo [na lege ti] fango lege na fango ye so ayeke na yâ ti ambeti ti ala.”

Na salango tene na ndo ti Kota Mbeti so amu ni, mbeti-sango ti Kinshasa Le Phare atene: “A yeke ngangu ti wara mbeni zo ti Congo so ade adiko pepe Tour ti Ba Ndo na Réveillez-vous! wala ambeni mbeti nde ti aTémoin ti Jéhovah. Ambeti-sango so [asala lisoro na ndo] ambage kue ti fini.” Mbeti-sango ni atene nga so ambeti ni afa “tongana nyen ti hon ndo ti akpale ti laso” na agboto lê na ndo “tâ nda ti ye so ayeke na peko ti aye so asi laso.” Article oko oko ti Réveillez-vous “aduti nde na aye ti poroso na ayä na nduzu pepe mbeni mara ahon mbeni nde.” Na ndo ni, ambeti ni akpengba “ziango bê na yâ zendo ti Wasalango ye ti mbeni sese ti siriri na nzoni dutingo so ayeke ndulu ti mu place ti bungbi ti aye ti sioni ti fadeso, so ake ndia.” Tongana ti so bungbi ti AJOCAD afa, ambeti ti aTémoin ti Jéhovah aga na ye ti nzoni mingi na azo mingi ti kodoro ti Congo. Tokua ti ala so amu beku na zo, so a yeke wara ni na ayanga ti kodoro ngbangbo mingi, alingbi ti ga na ye ti nzoni mingi na mo nga.

E tisa mo ti diko tene so ayeke na gbe ni ti ba tongana nyen mo mveni mo lingbi ti wara ye ti nzoni dä.