Atënë ti tongo nda ni ti mbage 14

Akozo Chrétien afa nzoni tënë ti Royaume na ambage ti sese so ayeke tâ yongoro. Jésus afa na ala ando so ala doit ti fa tënë dä, nga na lege ti miracle lo sara si ala lingbi ti fa tënë na azo na ayanga ti kodro ti ala. Jéhovah asara si ala sara ye na mbeto ape nga lo mû na ala ngangu ti hon ndö ti angangu kangango lege.

Jésus afa na bazengele Jean vision ti gloire ti Jéhovah. Na yâ ti mbeni vision ni nde, Jean abâ Royaume ti yayu so akinda Satan nga akaï komandema ti lo biani biani. Jean abâ Jésus so ayeke komande tongana Gbia, lo na azo 144 000 na terê ti lo. Jean abâ nga so sese kue aga mbeni paradis so na yâ ni azo kue ayeke voro Jéhovah na yâ ti siriri nga beoko.