SUMANA 25-31 YA MAIO

MPFUMA ZA MAFALA A MULUNGU

1. Ife Tisakomerwa Kulambira Yahova Pabodzi!

(mph. 10)

Atumiki a Mulungu ali na cakudya cakukwana cauzimu (Iza. 65:13; Ncenjezi 04.24 tsa. 21 ndima 5)

Tingalambira Yahova pabodzi na abale na alongo athu, tisakhala na mphambvu toera kupirira, pontho tisakhala akukhurudzika pakutamba nyatwa (Iza. 65:14-17; Ncenjezi 04.24 tsa. 22 ndima 9-10)

Mu dziko nkhabemo cinthu cakuti tinacilandanisa na ntendere na citsidzikizo ciri na mbumba ya Yahova (Iza. 65:25; Ncenjezi 04.24 tsa. 23 ndima 13)

Mafoto: Abale na alongo ali akutsandzaya mu paraizu yauzimu. 1. Iwo ali kucedza mwakutsandzaya pa Nyumba ya Umambo. 2. Iwo ali kucenesa kunja kwa Nyumba ya Umambo mwakutsandzaya na kutsalakana maluwa. 3. M’bale wakugwesera ali kuwangisa m’bale wam’phale, mu ndzidzi wakuti onsene ali nkaidi. Matsamba adalemba abale na alongo ali pa paredhi. 4. Banja ibodzi yaenda kaona mulongo wakuti abhaxari ku xipitari. Mulongo aphata manja a mulongo wakudwala, pontho mamuna ali na sestu ya misapo m’manja.

2. Mpfuma Zauzimu

(mph. 10)

Iza. 66:12,13—Thangwi yanji Yahova ndi ninga mama waufuni? (Ncenjezi 01.24 tsa. 27 ndima 4)

Ntawiro wanu
Ndi mpfuma zipi zauzimu zidagumana imwe pakuleri Bhibhlya sumana ino?

Ntawiro wanu

3. Kuleri Bhibhlya

(mph. 4) Iza. 65:17-25 (Kuleri na Kupfundzisa pfundziro 10)

PFUNDZISANI MWALUSO MU UTUMIKI

4. Kutomesa Makani

(mph. 3) UMBONI WANTSUSUKANO. Cedzani na munthu pinthu pyakuti pinancitisa kudziwa kuti ndimwe Mboni wa Yahova. (Funani Anthu nsolo 5 khundu 3)

5. Kutomesa Makani

(mph. 2) UMBONI WAPAKWECA. Munthu asafuna kuketesana na imwe. (Funani Anthu nsolo 4 khundu 5)

6. Kutomesa Makani

(mph. 3) NYUMBA NA NYUMBA. Phatisirani tratadho toera kutomesa makani. (Funani Anthu nsolo 1 khundu 4)

7. Kufokotoza Pinakhulupira Imwe

(mph. 3) Citsandzo. Ncenjezi 1/6/15 tsa. 14-15— Nsolo: Kodi Mbani Nyamalwa Wa Kristu? (Kuleri na Kupfundzisa pfundziro 17)

KUKHALA M’MASO NINGA AKRISTU

8. Muli Wakudzudzumika na Cisankhulo Cakucita Pizinji m’Basa ya Yahova?

(mph. 15) Nkhani yakucedza.

Mafoto: Makhundu a vidhyu yakuti Munacitanji “Thangwi ya Mphangwa Zadidi”? 1. M’bale Tomohiro Nishimura ali kuphata basa yakucita mabukhu ku Bheteli. 2. Mulongo Happiness Mabho ali kutumikira ku Bheteli mu Dhepartamentu Yakuthumburuza. 3. Rayner na Keziah Fernando ali kumwanyika m’bale ku filiali inatumikira iwo m’basa yakumanga. 4. M’bale George Telan, Jr., ali kutumikira ku Bheteli pabodzi na abale anango mu Dhepartamentu ya Basa. 5. Mulongo Ramona Welsch ali kucitisa pfundziro ya Bhibhlya.

Mukunyerezera kupita m’basa ya ndzidzi onsene? Musanyerezera kuti munaluza pizinji mungapita m’basa ineyi? Panango mwabvundzika: Nakuti onsene anatumikira Yahova anatambira umaso wakukhonda mala, thangwi yanji ndisafunika kucita pizinji? Khala ndi tenepo, kumbukani kuti Yahova “nkhabe kukhondera pinthu pyadidi” ale anan’nyindira. (Mas. 84:11, 12) Tingakhonda kuwangisira toera kucita pizinji m’basa ya Yahova, tinaluza miyai mizinji yakukhala akutsandzaya.

Yahova anatipasa nkhombo cincino, pontho anatipasambo nkhombo ntsogolo. Pangizani VIDHYU Munacitanji “Thangwi ya Mphangwa Zadidi”? Buluka penepo, citani mbvundzo uyu:

Ndi nkhombo zipi zidakhala na aphale na atsikana anewa thangwi ya kupita m’basa ya ndzidzi onsene?

Ntawiro wanu

Mphapo ndiye tani khala makhaliro anu nee asakutawirisani kupita m’basa ya ndzidzi onsene? Yahova asapasa nkhombo onsene anawangisira toera kuntumikira. Natenepa pitirizani kucita pyonsene pinakwanisa imwe, mbamudziwa kuti Yahova ‘anakukhutulirani nkhombo mpaka pakhonde kusoweka pinthu.’—Mal. 3:10.

9. Pfundziro ya Bhibhlya ya Mpingo

(mph. 30) Pfundzani Mbiri za M’Bhibhlya nsolo 88-89