SUMANA 18-24 YA MAIO
IZAIYA 62-64
Nyimbo 44 na Phembero | Mafala Akutoma (mph. 1)
1. Yahova Asatiumba Mwaufuni na Mwantsisi
(mph. 10)
Yahova asatitsalakana mwantsisi maseze tingathabuka thangwi ya pinthu pyakuipa pidacita ife (Iza. 63:9; Ncenjezi 01.24 tsa. 4-5 ndima 9)
Yahova nee asamalisa pinthu pyakuipa pinacitika thangwi ya madodo athu, mbwenye asatiphedza (Ncenjezi 08.23 tsa. 28-29 ndima 8-9)
Yahova anapitiriza kutiumba toera tikhale akufunika kakamwe kuna iye tingantawirisa kuti acite pyenepi (Iza. 64:8; Ncenjezi 1/9/13 tsa. 20 ndima 15-17)
2. Mpfuma Zauzimu
(mph. 10)
Iza. 63:10—Vesi ineyi isatipfundzisanji thangwi yakupirira kwa Yahova? (Profecia de Isaías vol. 1 tsa. 355-356 ndima 18)
Ndi mpfuma zipi zauzimu zidagumana imwe pakuleri Bhibhlya sumana ino?
3. Kuleri Bhibhlya
(mph. 4) Iza. 64:4-12 (Kuleri na Kupfundzisa pfundziro 12)
4. Kutomesa Makani
(mph. 3) UMBONI WAPAKWECA. Sakani kudziwa pinthu pinakomerwa na munthu, pontho bveranani naye toera mucedze pontho. (Funani Anthu nsolo 1 khundu 5)
5. Ulendo Wakubwereza
(mph. 4) NYUMBA NA NYUMBA. Pangizani vidhyu ibodzi inagumanika m’Bokosi Yathu ya Maferamentu Akupfundzisa. (Funani Anthu nsolo 9 khundu 4)
6. Kucita Anyakupfundza
(mph. 5) Tsandzayani na Umaso Kwenda na Kwenda! tsa. 254 bokosi “Kodi Ndiri Wakukhunganyika Toera Kumwaza Mphangwa na Mpingo?” Cedzani na nyakupfundza wanu wa Bhibhlya thangwi ya cifuno cakukhala m’mwazi mphangwa wakukhonda batizwa. (Funani Anthu nsolo 12 khundu 3)
Nyimbo 115
7. Khalani Wakukhunganyika Cidengwa Mbacidzati Kucitika, Ngakhale Kuti Nee Tisadikhira Kuti Cinacitika
(mph. 15) Nkhani yakucedza. Yakucitwa na nkulu wa mpingo. Longanimbo pitsogolero pidabuluka ku Bheteli peno kuna nsoka wa akulu a mpingo, khala pisagumanika.
Pidengwa na uphanga pinakwanisa kucitika mwakukhonda dikhira m’mbuto zakusiyana-siyana. (Ekle. 9:11) Maseze mukhale mbuto yakuti kazinji kene nkhabe citika pidengwa pyacibaliro, ndi pyakufunika kukhunganyika. (Mis. 22:3) Mphapo tinakhunganyika tani?
Ndzidzi onsene, onani mwadidi pinacitika mungakhala pa mbuto yakuti iri na anthu azinji, pontho sakani kudziwa njira toera kubuluka nayo mwakucimbiza, makamaka m’mbuto yakuti iri na anthu azinji.
Toera kukhunganyika pidengwa pyacibaliro, khalani na pasta toera kukoya pinthu pyakuti munapiphatisira pangaoneka cidengwa,a pontho koyani pinthu pinango pyakufunika panyumba panu. Dziwani kuti munathawa tani pingafunika, pontho khalani na manumero a acibale anu na axamwali anu.—Despertai! 5.17 tsa. 4
Pangizani VIDHYU Khalani Wakukhunganyika Cidengwa Mbacidzati Kucitika, Ngakhale Kuti Nee Tisadikhira Kuti Cinacitika. Buluka penepo, citani mibvundzo iyi:
Pakutoma, abale akhanyerezeranji thangwi yakukhunganyika pidengwa?
Iwo acitanji toera akhunganyike?
Yahova aaphedza tani thangwi yakuwangisira kwawo toera kukhunganyika?
Iwo apfundzanji na pinthu pidaacitikira?
BVUNDZIKANI: ‘Kukhala wakukhunganyika cidengwa mbacidzati kucitika na kulemedza Yahova kwalandana tani?’
YESERANI KUCITA IPI: Mungakhala pa mbuto yakuti iri na anthu azinji sumana ino, bvundzikani: ‘Ndi ipi njira yakuti ndinakwanisa kubuluka nayo mwakucimbiza pangaoneka cidengwa?’
8. Pfundziro ya Bhibhlya ya Mpingo
Mafala Akumalisa (mph. 3) | na Phembero
a Onani bokosi ya nsolo wakuti “Você Está Preparado?” mu Despertai! N.º 5 de 2017, tsa. 6.