“Lekani Kudzudzumika”

Yahova akhaphedza Aizraeli akutcerenga. Kodi iye asaphedzambo tani atumiki ace akutcerenga lero?

• Iye asapfundzisa atumiki ace toera akhale na maonero adidi thangwi ya kobiri.—Luka 12:15; 1 Tim. 6:6-8

• Yahova asaaphedza toera aone kuti ndi anthu akufunika.—Yobe 34:19

• Iye asaapfundzisa toera aphate basa mwakuwanga, pontho acalire misambo yakuipa.—Mis. 14:23; 20:1; 2 Akor. 7:1

• Iye asaaphedza toera aone kuti asacita khundu ya ubale wathu wa pa dziko yonsene yapantsi.—Juwau 13:35; 1 Juwau 3:17, 18

• Iye asaapasa cidikhiro.—Masal. 9:18; Iza. 65:21-23

Mwakukhonda tsalakana pinentso pinathimbana na ife, nee tisafunika kudzudzumika. (Iza. 30:15) Yahova anapitiriza kutiphedza toera kugumana pinthu pyakufunika kuna ife tingapitiriza kuikha pakutoma Umambo wace.—Mat. 6:31-33.

ONANI VIDHYU YA NSOLO WAKUTI UFUNI NKHABE KUMALA MWAKUKHONDA TSALAKANA . . . UTCERENGI—KONGO, BULUKA PENEPO TAWIRANI MIBVUNDZO IYI:

• 

  Kodi abale anakhala cifupi na mbuto inacitirwa nsonkhano wa gawo apangiza tani ufuni kuna abale akhabuluka m’mbuto zakutali?

• 

  Kodi vidhyu ineyi isatipfundzisanji thangwi ya ufuni unapangiza Yahova kuna abale na alongo akutcerenga?

• 

  Tinatowezera tani ufuni wa Yahova mwakukhonda tsalakana pinthu piri na ife?