Makutu a Yahova Asabvesera Maphembero a Anyakulungama (1 Ped. 3:12)—Mphangwa izi zabuluswa mu Anuário das Testemunhas de Jeová de 2013

Tsamba 66 ndima 1-3—Europa

Iye Aphembera Toera Akwanise Kuphedza Munthu

Irene, anakhala ku Suesya, alemba: “Ndiri na pyaka 80 pyakubalwa, na thangwi ya kuduwala, nee ndisakwanisa kuenda m’basa ya m’munda. Ndaphembera kuna Yahova toera ndikwanise kuphedza munthu wakuti ndikhadacedza naye kale nduli, wakuti cincino mbadakhala na cifuno ca kucedza peno kucitirwa ulendo wakubwereza.

Ntsiku inango, ntokodzi wathu walira, mamunanga atawira pa ntokodzi. Akhali nkazi adampanga kuti: ‘Ndilekerereni, ndimwe ene basi anakumbukira ine, natenepa ndakumenyerani ntokodzi. Nkazanu anakwanisa kudzacedza na ine thangwi ya Mafala a Mulungu? Ndikhadapfundza Bhibhlya mu pyaka 15 peno 20 nduli, mbwenye mamunanga mbadzati kulowa akhandikhondesa, na thangwi ineyi ndalimira kupfundza.’

“Ndisakumbuka kuti ndikhaenda kacedzera nkazi unoyu na mulongo unango, wakuti akhampfundzisa Bhibhlya. Mwakudzumisa, iye akumbukira ine. Mwakukomerwa, ndacita masasanyiro toera kuonana naye. Kutomera pa ntsiku ineyi, tisapfundza masumana onsene. Iye agumanika pa Cikumbuso na pa nkhani yakupambulika. Iye asagumanikambo pa misonkhano ya mpingo. Ndisapereka takhuta ntsiku zonsene kuna Yahova thangwi yakutawira phembero yanga.”