Ndandanda ya Sumana 16 ya Mainza

SUMANA 16 YA MAINZA

Nyimbo 116 na Phembero

□ Pfundziro Ya Bhibhlya Ya Mpingo:

jl Nsolo 20-22 (mph. 30)

□ Xikola Ya Utumiki Wa Mulungu:

Kuleri Bhibhlya: Apokalipse 1-6 (mph. 10)

N.° 1: Apokalipse 3:14–4:8 (mph. 4 peno zakucepa)

N.° 2: Kodi Bhibhlya Isalonga Kuti Aanju Abuluka Kupi?​—bh nsolo 10 ¶1-3 (mph. 5)

N.° 3: Ndi Mu Njira Zipi Yezu Asiya “Matowezero [Peno Citsandzo]” Kwa Anyakupfundzace?​—Jwau 13:15 (mph. 5)

□ Nsonkhano Wa Basa:

Nyimbo 44

Mph. 10: Ninji Pidakwanisa Ife? Nkhani yakucitwa na muyang’aniri wa basa ya m’munda. Dziwisani mpingo kuti cisa caphatwa tani basa nkati mwa kampanya yakugawira Mphangwa za Umambo N.° 38. Phembani anyakubvesera toera kulonga kuti aphindula tani na kampanya, pontho toera kulonga pyakugumana napyo pyakupambulika pidakhala na iwo.

Mph. 10: Aphale na atsikana, simbani Yahova. (Sal. 148:12, 13) Bvundzani aphale na atsikana awiri peno atatu acitsandzo cadidi. Ndi pinentso pipi pya cikhulupiro cawo pinathimbana na iwo kuxikola? Kodi anyakubala awo na anthu anango aaphedza tani toera kupirira pinentso pyenepi? Ninji pidaapasa cipapo toera kulonga pya pikhulupiro pyawo Pyacikristu? Aphembeni toera kulonga pyakugumana napyo.

Mph. 10: “Pfundzisani Ananu Toera Akhale Atumiki.” Mibvundzo na matawiro. Phembani anyakubvesera toera kulonga njira zakuthonyeka zidacita anyakubalawo toera kuaphedza kukhazikisa na kufikira pifuno pyakuenda kutsogolo mu utumiki.

Nyimbo 75 na Phembero