Ntsonga Zikulu za Basa ya M’Munda

Tiri akutsandzaya kukudziwisani kuti ntsiku 3 ya nthanda ya Murope kwamaliswa kalasi yakutoma ya Xikola ya Bhibhlya kwa Akristu Akumanga Banja. Kalasi ineyi ikhali na anyakumanga banja 12 akuti asaphata basa yakupambulika ya ndzidzi onsene mu pigawo pyakusiyana-siyana pya Mosambiki. M’masumana 8 anyakupfundza anewa atambira pipfundziso pyakupambulika pyakuti pinaaphedza toera kuphatisirwa mwadidi na Yahova na gulu yace. Iwo atumizwa mu pisa pizinji pya dziko yathu m’mabasa akusiyana-siyana.