Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Nyenzi

“Tiri kucedza mwacigwagwa toera kulonga pya phata yakunyindirika toera kuphedza mabanja kupembera. M’maonero anu, ninji cinapingiza mabanja toera kutsandzaya?” [Dikhirani ntawiro.] Pangizani tsamba yakumalisa ya Ncenjezi 1 wa Nyenzi, dingani pabodzi mphangwa zinagumanika pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

A Sentinela 1 wa Setembro

“Tiri kucedza na anthu thangwi azinji mu cisa cathu asadzumatirwa kuti thangwi yanji Mulungu asalekerera nyatwa. Imwe musadzumatirwambo na pyenepi? [Dikhirani ntawiro.] Mphyakukomeresa kuti Bhibhlya isapikira kuti unadzafika ndzidzi wakuti kutsukwala na kubva kupha kunadzamala. [Lerini Apokalipse 21:4.] Revista iyi isadinga mathangwi maxanu akuti thangwi yanji pasaoneka nyatwa zizinji. Pontho isapangiza pinalonga Bhibhlya kuti Mulungu anadzamalisa tani nyatwa.”

Despertai! de Setembro

“Tiri pano toera kulonga pya firiyadu yakudziwika na anthu azinji yakuti iri cifupi​—Ntsiku ya Anyakufa. Anango nee asacita maphwando pa ntsiku ineyi, mbalonga kuti nee yabulukira m’Bhibhlya. [Lerini Levitiko 19:31.] Anthu anango nkhabe kutawira pyakukhulupira mizimu na asaona Ntsiku ya Anyakufa ninga masendzekero akukhonda phekesa. Ndi api maonero anu thangwi ya firiyadu ineyi? [Dikhirani ntawiro.] Revista iyi isapangiza kukhonda dziwika kwa matomero a Ntsiku ya Anyakufa.”