Ntsonga Zikulu za Basa ya M’Munda

Mu nthanda ya Bingu ya 2012, amwazi mphangwa akukwana 50.063 apereka malipoti awo a basa ya m’munda. Numero ya amwazi mphangwa yapiringana pontho 50.000. Amwazi mphangwa anewa acitisa mapfundziro a Bhibhlya akukwana 75.835. Pyenepi pisapangiza kuti m’mwazi mphangwa m’bodzi na m’bodzi akhala na medya ya 1,5 ya mapfundziro a Bhibhlya. Tisawangisa onsene toera kupitiriza kuphatisira bruxura yadidi idacitwa toera kucitisa mapfundziro a Bhibhlya—Mphangwa Zadidi Za Mulungu!—yakuti isagumanika mu pilongero 13 pya Mosambiki.