Pidziwiso

◼ Mabukhu anafuna kugawirwa Nthanda ya Bingu: Kodi Mwandimomwene Biblya Isapfunzisanji? Wangisirani towera kutomesa mapfunziro a Bhibhlya. Nthanda ya Mainza: Bukhu Yanga Ya Mbiri Za Bibilya. Nthanda ya Thongwe ya 2009: Kodi Mwandimomwene Biblya Isapfunzisanji? Khala anaciro nyumba ali nayo kale bukhu ineyi, amwazi mphangwa anakwanisa kugawira bukhu yonsene yakukhala na matsamba 192 yakuti yadhindwa kale kakamwe mbikhala na matsamba akuti nkhabe nentsa khala na cikuikui peno bukhu inango yonsene yakudhindwa mbicisati fika caka 1992. Nthanda ya Madzalo: Lambirani Mulungu Mbodzi Basi Wandimomwene peno Pinacitisa Banja Kukhala Yakutsanzaya. Nthanda ya Murope: Kodi Mwandimomwene Biblya Isapfunzisanji? Wangisirani towera kutomesa mapfunziro a Bhibhlya.

◼ Amwazi mphangwa onsene akuti adzati kulemba maphaso awo a Diretrizes Antecipadas Relativas a Tratamentos de Saúde e Outorga de Procuração (DPA), asadembeterwa kuti acite pyenepi. Phaso ineyi ya DPA inadzakuphedzani pa n’dzidzi wakukhonda kuikhwa ciropa. Akulu a mpingo anakwanisa kupereka ciphedzo cingafunika.—Onani n’thimiziro wa Utumiki Wathu Wa Umambo wa nthanda ya Bingu ya 2006.

◼ Filiali isafuna kudziwa mbuto zinakhala ayang’aniri akutsogolera na alembi onsene a mipingo pabodzi na numero ya mitokodzi inaphatisira iwo cincino. Iwo angafuluka peno kucinja numero ya ntokodzi, Komiti Yakuyang’anira Basa M’mpingo isafunika kudzadza, kusinari na kutumiza mwakukhonda dembuka ku filiali formularyo ya Mudança de Endereço do Superintendente Presidente/Secretário (S-29). Pyenepi pisaphatanizambo kucinja kwa código ya ntokodzi inaphatisirwa mu cisa cinakhala iwo.

◼ Kazinji kene pidziwiso pyakufunika kakamwe pinapangiza kuti tinaphemba tani mabukhu pisacitwa mu Utumiki Wathu Wa Umambo. Natenepa, atumiki anatsalakana mabukhu asafunika kubvesesa pidziwiso mwakucimbiza angatambira Utumiki Wathu Wa Umambo towera akwanise kupitowezera mwakulinganira.

◼ Kwa Atumiki Anatsalakana Marevista: Anthu anango asabvunza kuti asafunika kucita lini phembo yakupambulika ya marevista akuthimizirika a kugawira kwakupambulika ninga a nthanda ya Murope, Bwinja na Gonkho ya 2009. Ndida unaphatisirwa ndi wakuti marevista asafunika kuphembwa mbukudasala nthanda zakukhonda kucepa zitatu mbisati kufika ntsiku ya revista. Mwacitsanzo, phembo ya marevista a nthanda ya Murope isafunika kucitwa mu nthanda ya Mainza, ya marevista a Bwinja isafunika kucitwa mu nthanda ya Thongwe, ya marevista a Gonkho isafunika kucitwa mu nthanda ya Madzalo. Tingatambira phembo mwakudembuka tinakwanisa kuicinja mbikhala ya kutsogolo nakuti ife nkhabe khala na ntsama yakunyindirika ya marevista. Ife tisafuna kucalira phembo yakudembuka towera tikhonde kucita pinthu mwakuthamanga. M’maonero a pyenepi, taphata miyendo citani phembo yanu mwakukhonda dembuka.

◼ Mipingo isafunika kutoma cincino kutumiza maphembo awo a Watchtower Library—2008 (cdly08). Ineyi ndi phembo yakupambulika. Phembo ineyi isacitwa towera kuphindulisa anthu m’mpingo na isafunika kucitwa mu kuphatisira mpingo basi. Iyo nee yacitwa towera kugawirwa kwa anthu onsene peno kupaswa kwa anthu onsene anapangiza cifuno kwa Mboni za Yahova tayu. Amwazi mphangwa akuti asaphatisira kakamwe Watchtower Library na nkhabe phatisira mavolume, asafunika kudinga mwadidi khala asafunika kuphemba mavolume peno nkhabe. Watchtower Library—2008 inadzagumanika mu cilongero ca Cifransa, Cingerezi, Cixina (kuphataniza Cixina simplificado) na Cizungu.

◼ Tiri kukudziwisani kuti Utumiki Wathu Wa Umambo uno ndi wakumalisa kuthumburuzwa mu cilongero ca (Cimakuwa na Cisena). Tinadzacinja phembo yanu mbititumiza mu cilongero ca Cizungu, khala nkhabe funa Cizungu, titumizireni formularyo yanu ya Pedido de Revistas (M-202) na macinjo anafuna imwe.

◼ Mabukhu Mapswa Anagumanika:

Anuário das Testemunhas de Jeová (yb09)—Cixona

[Caption on page 2]

(Pisapitiriza pa tsamba 3)

[Caption on page 3]

Pidziwiso (Upitirizo)