Ndandanda Wa Nsonkhano Wa Basa

Sumana 8 Ya Nyenzi

Nyimbo 204

Mph. 10: Pidziwiso pyapampingo. Bvunzani anyakubvesera kuti ndi misolo ipi m’marevista mapswa yakuti isakomeresa kakamwe anthu mu cisa cathu. Abvunzeni kuti ndi mibvunzo na malemba api anaphatisira iwo towera kutomesa makani pa nsolo unoyu. Pangizani kuti tinakwanisa tani kugawira revista ibodzi na ibodzi.

Mph. 15: Phedzani Anyakupfunza Bhibhlya Kuti Akhale Apfunzisi. Nkhani yakubuluswa mu A Sentinela ya 15 de Janeiro de 2007, matsamba 29-30, ndima 14-20. Phatanizani citsanzo cibodzi cacigwagwa cakupangiza m’mwazi mphangwa akufokotoza macitiro a nkhani yapakweca na Pfunziro ya A Sentinela kwa nyakupfunza Bhibhlya mupswa, mbamphemba kuti aende ku misonkhano ineyi.

Mph. 20: Kuthimbana Na Tsangulo Mu Utumiki Wathu. Nkhani yakucitwa na nkulu wa mpingo, yakubuluswa m’mphangwa zinagumanika m’mabukhu athu zakupangiza kuti tsangulo inakwanisa tani kukhuya utumiki wathu. Fokotozani kuti tinakwanisa tani kukunda tsangulo ineyi. M’midzidzi inango n’khaliro wathu ene, mu utumiki wathu wa m’munda na m’mabasa athu a ntsiku na ntsiku, unakwanisa kucita pizinji towera kumalisa tsangulo ya anthu anationa na kufungula mitima yawo towera kutawira undimomwene. Natenepa, ndi pyadidi kudinga malongero na makhaliro athu n’dzidzi onsene. (1 Ped. 2:12; 3:1, 2) Longani pyakugumana napyo pingasi pyapacisa peno pinagumanika m’mabukhu athu pinapangiza kuti tinakwanisa tani kukunda tsangulo.

Nyimbo 127

Sumana 15 Ya Nyenzi

Nyimbo 94

Mph. 10: Pidziwiso pyapampingo. Pidziwiso pyakusankhulwa mu Utumiki Wathu Wa Umambo.

Mph. 20: Tacitanji Caka Cidamala? Nkhani pabodzi na kucedza na anyakubvesera yakucitwa na muyang’aniri wa m’munda peno nkulu unango wakuthema. Dingani pidacita mpingo mu utumiki nkati mwa caka ca basa cidamala, mbumugomezera pinthu pyadidi pidacitwa. Simbani abale na alongo mu njira yadidi. Citani masasanyiro mwanyapantsi kuti m’mwazi mphangwa m’bodzi peno awiri alonge pyakugumana napyo pyawo pyakuwangisa. Longani ntsonga ibodzi peno ziwiri zakuti mpingo usafunika kuwangisira towera kuzikwanirisa nkati mwa caka cinafuna kudza, na dingani maonero akuphata basa towera kuenda kutsogolo.

Mph. 15: Ndinakwanisa Tani Kutsidzikiza Cikhulupiro Canga Pa Kufokotoza Kucitwa Kwa Pinthu? Nkhani yakubuluswa m’mphangwa zinagumanika m’mabukhu athu. Phembani anyakubvesera towera alonge kuti akwanisa tani kutsidzikiza cikhulupiro cawo pa kufokotoza kucitwa kwa pinthu ku xikola, ku basa, peno ku mbuto zinango. Ntawiro ubodzi peno miwiri inakwanisa kukhunganywa mwanyapantsi.

Nyimbo 51

Sumana 22 Ya Nyenzi

Nyimbo 104

Mph. 10: Pidziwiso pyapampingo. Lerini lipoti ya kobiri na tsamba ya filiali ya kupereka takhuta. Dingani tsamba ya filiali iri pa tsamba 1.

Mph. 20: Munatambira Nkhombo Thangwi Ya Basa Yanu. Nkhani yakubuluswa mu A Sentinela ya 15 de Abril de 2005, kutomera pa tsamba 28 ndima 5, mpaka kunkhomo kwa tsamba 29. Mwacigwagwa bvunzani m’mwazi mphangwa waphinga m’bodzi peno awiri towera alonge kuti Yahova aaphedza tani na pyakufuna pyawo pyakumanungo peno pya m’manyerezero.

Mph. 15: Khunganyikani Towera Kugawira A Sentinela ya 1.° de Outubro na Despertai! ya Outubro. Perekani maonero acigwagwa a marevista, na bvunzani anyakubvesera kuti ndi misolo ipi yakuti inakwanisa kukomeresa kakamwe anthu mu cisa cathu. Ndi mibvunzo na malemba api akuti tinakwanisa kuphatisira towera kutomesa makani m’misolo ineyi? Pangizani kuti anaphatisirwa tani maperekero umboni akukhonda nentsa anagumanika mu Utumiki Wathu Wa Umambo. Phembani m’bodzi wa akulu a mpingo kuti apangize maperekero umboni acigwagwa adakhunganya iye a nsolo ubodzi wakuti usabverana na cisa cathu.

Nyimbo 190

Sumana 29 Ya Nyenzi

Nyimbo 45

Mph. 10: Pidziwiso pyapampingo. Kumbusani amwazi mphangwa kuti apereke lipoti ya basa ya m’munda ya nthanda ya Nyenzi. Citani masasanyiro towera m’mwazi mphangwa m’bodzi peno awiri alonge pyakugumana napyo pyawo pyakuwangisa mu kupereka umboni mwantsusukano mwakubverana na nsonkhano wa gawo, n’dzidzi wa ferya, peno m’midzidzi inango.

Mph. 15: Pyakufuna pyapampingo.

Mph. 20: “Basa Yakupambulika Yakugawira Katsamba Kutomera 20 Ya Nthanda Ya Malandalupya Mpaka 16 Ya Nthanda Ya Bingu!”a Khala katsamba keneka kalipo, pasani katsamba kabodzi kwa munthu onsene anagumanika penepo. Munadinga imwe ndima 2, longani mwacigwagwa pinagumanika nkati mwa katsamba. Munadinga imwe ndima 4, pangizani kuti tinagawira tani katsamba keneka. Munadinga imwe ndima 5, citani citsanzo cibodzi cakupangiza m’mwazi mphangwa akuphatisira katsamba towera kutomesa pfunziro ya Bhibhlya pa ulendo wakubwerezera.

Nyimbo 9

Sumana 6 Ya Malandalupya

Nyimbo 15

Mph. 10: Pidziwiso pyapampingo.

Mph. 15: Bokosi ya Mibvunzo. Kucedza na anyakubvesera. Phatanizani ntsonga zinagumanika mu A Sentinela ya 15 de Junho de 2005, matsamba 20-22, ndima 10-16.

Mph. 20: “Pfunzisani Anango Kuti Afune Yahova.”* N’dzidzi ungakhalapo, phembani anyakubvesera kuti afokotoze malemba akusowa mafala mu ndima.

Nyimbo 132

[Footnotes]