Ndandanda Wa Nsonkhano Wa Basa

Sumana 12 Ya Gonkho

Nyimbo 134

Mph. 10: Pidziwiso pyapampingo. Pidziwiso pyakusankhulwa mu Utumiki Wathu Wa Umambo. Mukuphatisira maperekero umboni anagumanika pa tsamba 8 peno anango anabverana na cisa canu, pangizani kuti munagawira tani A Sentinela ya 1.° de Maio na Despertai! ya Maio.

Mph. 15: Ife Tingakwanise Kuthimbana Na Mayesero A Ntundu Onsene! Nkhani yakubuluswa mu A Sentinela ya 15 de Junho de 2005, tsamba 30-⁠1. Phembani amwazi mphangwa angasi towera alonge kuti Yahova aaphedza tani towera akwanise kuthimbana na mayesero akhali na iwo.

Mph. 20: Kodi Imwe Mungakwanise Kutumikira Ninga Mpainiya Wakuphedza Mu Nthanda Zinafuna Kudza? Kucedza na anyakubvesera. Dingani pontho tsamba 5 ndima 5 mpaka tsamba 6 ndima 1 ya n’thimiziro wa Utumiki Wathu Wa Umambo wa nthanda ya Malimwe ya 2007, unalonga thangwi ya pyakufunika. Phembani ale adaphatisira maferya a kubasa towera kucita upainiya wakuphedza kuti alonge nkhombo zidakhala na iwo. Phembani ale adakhala apainiya akuphedza nkati mwa maferya a kuxikola kuti alonge kuti awangiswa na aphedzwa tani na anango. Kodi upainiya wakuphedza waaphedza tani kukula mwauzimu? Kodi ndi kutsanzaya kupi kudakhala na iwo? Wangisani onsene adathema towera anyerezere pyakukhala apainiya mu nthanda zinafuna kudza.

Nyimbo 187

Sumana 19 Ya Gonkho

Nyimbo 47

Mph. 10: Pidziwiso pyapampingo. Dingani Bokosi Ya Mibvunzo.

Mph. 15: Phindu Ya Kungonjera Kwaumulungu. Nkhani pabodzi na kucedza na anyakubvesera yakubuluswa mu n’thimiziro wa Utumiki Wathu Wa Umambo wa nthanda ya Gonkho, kutomera pa tsamba 3-6.

Mph. 20: “Mpfuma Zingakwanise Kukhala Zanu!”a Longani pinafunika towera munthu akhale wakuthema kutumikira ninga mpainiya wa ndzidzi onsene, pinagumanika pa tsamba 5 ndima 5 ya n’thimiziro wa Utumiki Wathu Wa Umambo wa nthanda ya Malimwe ya 2007. Ale anafuna kutoma upainiya pa ntsiku 1 ya nthanda ya Nyenzi asafunika kutumiza maphembo awo mwakukhonda dembuka.

Nyimbo 206

Sumana 26 Ya Gonkho

Nyimbo 103

Mph. 10: Pidziwiso pyapampingo. Lerini lipoti ya kobiri na tsamba ya filiali ya kupereka takhuta. Kumbusani amwazi mphangwa kuti apereke lipoti ya basa ya m’munda ya nthanda ya Gonkho. Mukuphatisira maperekero umboni anagumanika pa tsamba 8 peno anango anabverana na cisa canu, pangizani kuti munagawira tani A Sentinela ya 1.° de Junho na Despertai! ya Junho.

Mph. 15: “Kwatani Ntolo Wanga.”* Ndzidzi ungakhalapo, phembani anyakubvesera kuti afokotoze malemba akusowa mafala mu ndima.

Mph. 20: Masasanyiro Athu Akukhonda Nensa Akugawira Mabukhu. Nkulu wa mpingo wakuthema asadinga mphangwa zakubuluswa mu tsamba ya Sosiedade ya 15 de Outubro de 1999. Buluka penepo khalani na mpainiya peno m’mwazi mphangwa wakukhunganyika mwadidi towera apangize kuti mphangwa zenezi zinaphatisirwa tani mu utumiki wa m’munda. Mukuphatisira marevista mapswa akuti anagawirwa pa kumala kwa sumana ineyi, m’mwazi mphangwa asatomesa makani na mwanaciro nyumba akulonga pya ntsonga ibodzi inagumanika m’misolo. Kunkhomo kwa makani, m’mwazi mphangwa asalonga: “Ndinakhala wakukomerwa kukusiyirani revista iyi towera muleri nsolo uyu pabodzi na misolo inango inagumanika mu revista ineyi.” Mwanaciro nyumba asapereka takhuta kwa m’mwazi mphangwa thangwi ya revista, na m’mwazi mphangwa asapitiriza mu kulonga: “Mabukhu athu nkhabe guliswa, mbwenye mungafuna kucita cakupereka cing’ono towera kuphedza basa yathu ya dziko yonsene yapantsi ya kupfunzisa Biblya, ndinakhala wakukomerwa kucitambira.” Mwanaciro nyumba asabulusa cakupereka na m’mwazi mphangwa asantawirisa kuti aciikhiretu mu envelope ya pyakupereka pya basa ya dziko yonsene yapantsi.

Nyimbo 169

Sumana 2 Ya Khoni

Nyimbo 221

Mph. 10: Pidziwiso pyapampingo.

Mph. 20: Ale Anacita Pinthu Mwakukhulupirika Asatambira Nkhombo Zizinji. (Mis. 28:​20) Nkhani pabodzi na kucedza na anyakubvesera yakucitwa na mulembi wa mpingo. Longani mwacigwagwa kuti Yahova apasa tani nkhombo kuwangisira kwa abale na alongo m’mpingo towera kuthimizira mabasa awo nkati mwa nthanda ya Murope, Bwinja na Gonkho, na asimbeni. Dziwisani kuti ndi angasi adatumikira ninga apainiya akuphedza, ndi mapfunziro mangasi mapswa a Biblya adatomeswa, na pinthu pinango pyadidi pidacitwa mu utumiki. Phembani anyakubvesera kuti alonge pyakugumana napyo pya ndzidzi wa Cikumbuso na ndzidzi wa basa yakugawira micemerero. Pyakugumana napyo pyakupambulika pya basa ya m’munda pingakwanise kupangizwa. Mwacigwagwa bvunzani amwazi mphangwa awiri peno atatu pya nkhombo zidakhala na iwo ninga apainiya akuphedza.

Mph. 15: “Tikhale Dzololo Towera Kucita Mabasa Onsene Adidi.”* Phembani anyakubvera kulonga kuti asacita tani na ndi mu ndzidzi upi unakhunganyika iwo utumiki wa nyumba na nyumba.

Nyimbo 44

[Footnotes]