Ndandanda Wa Nsonkhano Wa Basa

Sumana 10 Ya Maindza

Nyimbo 46

Mph. 10: Pidziwiso pyapampingo. Mukuphatisira maperekero umboni anagumanika pa tsamba 8 peno anango anabverana na cisa canu, pangizani kuti munagawira tani A Sentinela ya 15 de Dezembro na Despertai! ya Dezembro.

Mph. 20: Xikola Ya Utumiki Wa Mulungu Ya 2008. Nkhani yakucitwa na muyang’aniri wa xikola. Longani ntsonga zakuphata basa pa mpingo zakubuluswa mu n’thimiziro wa Utumiki Wathu Wa Umambo wa nthanda ya Malandalupya wa 2007. Longani basa ya phungu wakuphedza. Wangisani onsene kuti acite nkhani zawo mwakukhonda phonya, atawire pa nkhani ya ntsonga za m’Biblya na aphatisire maonero anaperekwa pa masumana onsene akubuluswa m’bukhu ya Beneficie-se da Escola do Ministério Teocrático.

Mph. 15: “Balangazani Anyakutsukwala.”a Longani mwacigwagwa cakugumana naco cibodzi peno piwiri pya pacisa.

Nyimbo 34

Sumana 17 Ya Maindza

Nyimbo 28

Mph. 10: Pidziwiso pyapampingo. Pidziwiso pyakusankhulwa mu Utumiki Wathu Wa Umambo. Wangisani onsene kuti aone vidyu yakuti Testemunhas de Jeová— Organizadas para Pregar as Boas Novas mu kukhunganyikira nkhani ya Nsonkhano Wa Basa inafuna kucitwa pa 31 ya nthanda ya Maindza. Khala vidyu ineyi nkhabepo, bulusani nkhani yanu m’bruxura yakuti As Testemunhas de Jeová— Unidas em Fazer Mundialmente a Vontade de Deus, tsamba 24-5; Testemunhas de Jeová — Quem São? Em Que Crêem?, tsamba 8-11, 25, 26; A Sentinela ya 1.° de Dezembro de 2005, tsamba 8-12.

Mph. 15: “Ife Tisafunika Kupitiriza Na Phinga Yathu Ya Utumiki.”* Bvunzani m’mwazi mphangwa anadziwika ninga wa phinga mu utumiki. Nciteni mabvunzo ninga awa: Kodi ndi kuwangisira kwanji kunacita imwe towera kupitiriza kukhala na phinga? Kodi ndi ninji cidakuphedzani towera kupitiriza na phinga yanu?

Mph. 20: “Gawirani Marevista Akuti Asapereka Umboni Wa Undimomwene.”* Phembani anyakubvesera kuti alonge ntsonga zinagumanika mu Utumiki Wathu Wa Umambo wa nthanda ya Bingu 2006, tsamba 8. Wangisani anyakubvesera kuti aleri A Sentinela ya 1.° de Janeiro na Despertai! ya Janeiro. Aphembeni kuti abwerese marevista anewa pa nsonkhano wa basa unafuna kudza.

Nyimbo 139

Sumana 24 Ya Maindza

Nyimbo 212

Mph. 10: Pidziwiso pyapampingo. Lerini lipoti ya kobiri na tsamba ya filiali ya kupereka takhuta. Longani mabukhu anafuna gawirwa mu nthanda ya Thongwe, na citani citsanzo cibodzi cakupangiza njira ya kugawira mabukhu anewa.

Mph. 15: Khunganyikani Towera Kugawira Marevista Apswa. Nkhani pabodzi na kucedza na anyakubvesera yakubuluswa mu A Sentinela ya 1.° de Janeiro na Despertai! ya Janeiro. Pakumala kupereka maonero acigwagwa a revista ibodzi na ibodzi, bvunzani anyakubvesera kuti ndi nsolo upi ungakwanise kukomeresa anthu mu cisa na thangwi yanji. Phembani anyakubvesera kuti apereke maonero mu kuphatisira mingasi ya misolo inanyerezera iwo kuiphatisira. Kodi tingakwanise kucita mbvunzo upi towera kutomesa makani? Kodi tingakwanise kuleri lemba ipi mu nsolo unoyu? Kodi lemba isabverana tani na nsolo? Mu kuphatisira maperekero umboni akukhonda nensa anagumanika mu Utumiki Wathu Wa Umambo peno anango adalonga anyakubvesera, pangizani kuti tinakwanisa tani kugawira revista ibodzi na ibodzi.

Mph. 20: “Khalani Na Cifuno Ca Kucitisa Pfunziro Ya Biblya.”* Bvunzani m’bodzi peno awiri adatomesa pfunziro ya Biblya cincino. Kodi pfunziro yatomeswa tani? Kodi pfunziro iri kuenda tani patsogolo?

Nyimbo 21

Sumana 31 Ya Maindza

Nyimbo 89

Mph. 5: Pidziwiso pyapampingo. Kumbusani amwazi mphangwa kuti apereke lipoti ya basa ya m’munda ya nthanda ya Maindza.

Mph. 15: Mphambvu Inaticitisa Kuperekeka Kwaumulungu. Nkhani yakupasa cipapo yakubuluswa mu A Sentinela ya 1.° de Março de 1990, tsamba 22-3 peno A Sentinela ya 1.° de Dezembro de 2006, tsamba 25-9.

Mph. 25: “Basa Ikulu Kakamwe Ya Kumwaza Mphangwa Yakuti Ikhadzati Kucitwa Pa Dziko Yapantsi!”* Phembani anyakubvesera kuti alonge maphindu adidi adakhala na iwo pakupangiza vidyu yakuti Testemunhas de Jeová— Organizadas para Pregar as Boas Novas kwa acibale awo, anyakudziwana nawo, anthu anacitira iwo maulendo akubwereza na kwa anyakupfunza Biblya. Khala vidyu ineyi nkhabepo, taphata miyendo cinjani mabvunzo towera abverane na bruxura yakuti As Testemunhas de Jeová — Unidas em Fazer Mundialmente a Vontade de Deus, tsamba 24-5; Testemunhas de Jeová— Quem São? Em Que Crêem?, tsamba 8-11, 25, 26; A Sentinela ya 1.° de Dezembro de 2005, tsamba 8-12.

Nyimbo 202

Sumana 7 Ya Thongwe

Nyimbo 159

Cidzindikiro: Mphangwa zakulonga pya nsonkhano wa gawo nkhabe funika kudingwa mbisati kufika sumana 7 ya Thongwe. Mipingo nkhabe funika kucinja Nsonkhano wawo wa Basa wa sumana 7 ya nthanda ya Thongwe towera kucita ntsiku inango kusiyapo khala iri kucedzeswa na muyang’aniri wa cisa.

Mph. 5: Pidziwiso pyapampingo.

Mph. 25: “Aphale Na Atsikana—Phindulani Na Mwai Wakukhala Pa Xikola.”* Mabvunzo na matawiro. Longanimbo mafala akuthema anagumanika mu Despertai! ya 22 de Janeiro de 2004, tsamba 13-15, na A Sentinela ya 15 de Junho de 2005, tsamba 29.

Mph. 15: “Nsonkhano Wa Gawo Wa Mboni Za Yahova Wa 2008.”* Nkhani yakucitwa na mulembi wa mpingo. Mbamusati kudinga n’thimiziro, lerini tsamba ya 15 ya nthanda ya Maindza 2007, inalonga pya nsonkhano. Wangisani onsene towera acite masasanyiro awo a nsonkhano pingakwanisika mwakukhonda dembuka.

Nyimbo 99

[Footnotes]