Bokosi Ya Mabvunzo

◼ Kodi kunakhala kwakuthema kucita masasanyiro a kugulisa pinthu pyakuphatisirwa kale peno kucita pinthu pinango pyakusonkhesa kobiri towera kuphedza mpingo?

Mphyakudzoloereka kakamwe m’pigawiko pyauphemberi kucita pinthu pyakusonkhesa kobiri, ninga siyali, kugulisa pyakuphatisirwa kale peno maphwando. Ngakhale kuti anango asanyerezera kuti pyenepi pisacitwa na thangwi yadidi, pinthu pyenepi ndi sawasawa na njira za kuphemba kobiri. Mboni za Yahova nkhabe gumana kobiri m’njira ineyi tayu.

Revista yaciwiri ya Torre de Vigia, ya Agosto ya 1879, yalonga ipi m’kukhonda kwathu kusangizira magereja na kuphemba kobiri: “‘Torre de Vigia de Sião’ (m’Cingerezi) iri na, tisakhulupira YAHOVA ninga ciphedzo, na pyenepi pingakhala tenepa cipo anadzaphemba nee kudembeterera ciphedzo ca munthu. Mudalonga Ule kuti: ‘Ndalama zonsene na siliva za m’mapiri ndi zanga,’ kusiya kupereka kobiri yakufunika, tinadzabvesesa kuti unoyu ndi nzidzi wa kusiya bukhu.”

Ife tikupitiriza kutowerera ndida wa Biblya wakuti: “Munthu munthu apase ninga mudapifunira iye mu ntima mwache, mbakhonda kuipirwa, mbakhonda kukakamizwa thangwi munthu anapasa mbakomerwa napyo, Mulungu ananfuna.” (2 Akor. 9:7) M’Nyumba ya Umambo muli na makando peno mabokosi towera anthu akwanise kucita pyakupereka pyaufulu angafuna. (2 Am. 12:10) Pyakupereka nkhabe kuphembwa; nee mbodzi asafunika kupasa na nyerezero ya kutambira cinthu.