Pidziwiso

◼ Mabukhu anafuna kugawirwa m’Nthanda ya Khoni na Maluwa: Bruxura yakuti Mulungu Alikuphembanji. Phatisirani bruxura ineyi na cifuno ca kutomesa mapfunziro a Biblya. Nthanda ya Malimwe: Katsamba konsene kanagumanika pa mpingo. Nthanda ya Nyenzi: Kodi Mwandimomwene Biblya Isapfunzisanji? Tisafunika kuwangisira towera kutomesa mapfunziro a Biblya pa ulendo wakutoma. Munthu onsene adapasa ife bukhu asafunika kucitirwa ulendo wakubwerezera na cifuno ca kutomesa pfunziro ya Biblya yapanyumba. Nthanda ya Malandalupya: Gawirani A Sentinela na Despertai! Pangaoneka kufuna, pangizani bruxura yakuti Khalani Akulindira! towera kusakulira cifuno cakuthimizirika ku Biblya.

◼ Nakuti nthanda ya Maluwa ina masabudu na madimingu maxanu, ineyi inadzakhala nthanda yadidi ya kukhala mpainiya wakuphedza.

◼ Nkhani yakulonga pya vidiyu yakuti Os Jovens Perguntam: Como Fazer Verdadeiros Amigos? inadzacitwa pa Nsonkhano Wa Basa m’nthanda ya Nyenzi.

◼ Mipingo isafunika kutoma kuphemba kabukhu kakuti Examine as Escrituras Diariamente, Calendário das Testemunhas de Jeová de 2007 na Lemba Ya Caka. Pinthu pyenepi pisafunika kuphembwa m’kuphatisira formulariu Pedido de Publicações (S-14) na tumizani ku Filiali mokhonda dembuka pa rota ya nthanda ya Nyenzi. Mipingo inafuna kudzaphemba mwakudembuka hinadzatambira pinthu pyenepi pa nzidzi wakuthema tayu. Examine as Escrituras Diariamente na Calendário de 2007 ndi maphembo akupambulika, natenepa pisafunika kuphembwa pakumala kucita cidziwiso. Mpingo usafunika kuphemba basi ntsama ya Examine as Escrituras na Calendário de 2007 adaphembwa na abale.

◼ Tiri akukomerwa kukudziwisani kuti mipingo iri pantsiapa yamalisa kumanga Nyumba zawo za Umambo: Kaninga, Kampedza na Pembela.