Pyankati

15 Ya Maluwa Ya 2015

NCENJEZI WA PFUNDZIRO

31 YA MALIMWE, 2015–6 YA NYENDZI, 2015

Phatani Basa Toera Kubalikisa Paradizu Yauzimu

TSAMBA 7

7-13 YA NYENDZI, 2015

‘Cipulumuso Canu Ciri Cifupi’!

TSAMBA 14

14-20 YA NYENDZI, 2015

Khalani Wakukhulupirika Ku Umambo Wa Mulungu

TSAMBA 22

21-27 YA NYENDZI, 2015

Tipaseni Ntengo Mbuto Yathu Ya Ulambiri

TSAMBA 27

MISOLO YA PFUNDZIRO

▪ Phatani Basa Toera Kubalikisa Paradizu Yauzimu

Atumiki a Yahova ali m’makhaliro adidi kakamwe auzimu mu khundu yapantsi ya gulu ya Mulungu. Tinapangiza tani kuti tisapasa ntengo kakamwe masasanyiro anewa anatipasa Yahova? Kodi m’bodzi na m’bodzi wa ife anacitanji toera kubalikisa paradizu yauzimu? Nsolo uno unadzatawira mibvundzo ineyi.

▪ ‘Cipulumuso Canu Ciri Cifupi’!

Nsolo uno unadzafokotoza pinthu pingasi pyakutsandzayisa pinafuna kuona ife ntsogolo. Unadzapangizambo kuti thangwi yanji atumiki a Mulungu anakwanisa kuthimbana na nyatwa ikulu na cinyindiro cakukwana.

▪ Khalani Wakukhulupirika Ku Umambo Wa Mulungu

Mu dziko ino yakutongwa na Sathani, anthu ndi akukhulupirika ku pinthu pizinji. Mbwenye Akristu apikira kuti anadzakhala akukhulupirika kuna Yahova. Nsolo uno unadzadinga kuti thangwi yanji ife nkhabe kucita khundu mu uviyaviya wa dziko na tinapfundzisa tani manyerezero na cikumbuntima cathu toera kupitiriza na unakatinakati Wacikristu.

▪ Tipaseni Ntengo Mbuto Yathu Ya Ulambiri

Pa dziko yonsene pana pikwi na pikwi pya Nyumba za Umambo na mbuto zinango zinasonkhana atumiki a Yahova toera kulambira. Mu nsolo uno, tinadzadinga midida ya Bhibhlya yakuti inatiphedza kudziwa kuti tisafunika kuona tani, tinaphedzera tani, na tinatsalakana tani mbuto za misonkhano munjira yakuti zinapasa mbiri Yahova.