Masalmo

Nyimbo Yakukwira Nayo ku Nzinda.

129 “Anyamalwa anga athimbana na ine kutomera mu uphale wanga”+

Aizraeli mbabwerezere mafala awa:

2 “Anyamalwa anga athimbana na ine kutomera mu uphale wanga;+

Mbwenye iwo acimwana kundikunda.+

3 Anyakulima na ngʼombe alima pa nsana panga;*+

Iwo acita mizera yakulapha pa nsana panga.”

4 Mbwenye Yahova ndi wakulungama;+

Iye agwanda nkhambala za anyakuipa.+

5 Anthu onsene anaida Sioni,+

Anadzapaswa manyadzo mbabwerera mwakutsukwala.

6 Iwo anadzakhala ninga tsanga inamera pantsoi

Yakuti isauma mbidzati kuduliwa,

7 Yakuti nkhabe dzala nʼdjanja ya nyakubvuna

Pontho nkhabe dzadza mikono ya ule anaigumanya mʼmisumbu.

8 Ale anapita na penepo nee anadzalonga:

“Nkhombo za Yahova mbazikhale na imwe;

Ife tisakupasani nkhombo mu dzina ya Yahova.”