Ivyogufasha gutahura imvugo ngereranyo ziri muri Bibiliya

Bibiliya irimwo imvugo ngereranyo nyinshi cane. Ariko rero, abantu benshi basoma Bibiliya zirabagora gutahura. (Mat. 13:13) Ni ibiki none vyogufasha gutahura neza imvugo ngereranyo ziri muri Bibiliya? Gerageza gukora ibi bikurikira:

• Numenye iciyumviro nyamukuru be n’ico bakigereranije. Imvugo ngereranyo zigereranya iciyumviro nyamukuru n’ico kigereranya. Nk’akarorero, mu Vyahishuwe 3:3 hagereranya ukuza kwa Yezu (iciyumviro nyamukuru) n’ukuza kw’igisuma (ico kigereranya).

• Niwiyumvire isano riri hagati y’iciyumviro nyamukuru n’ico kigereranya. Gerageza kwiyumvira imvo zatumye ikintu kanaka bakigereranya n’ikindi, uzirikane no ku co bihuriyeko.

• Niwiyemeze ko wabitahuye neza. Amasano amwamwe ari hagati y’iciyumviro nyamukuru n’ico kigereranya arashobora gutuma umuntu atahura ibintu nabi. Muri ka karorero twavuga, Yezu ntazoba aje kwiba. Ahubwo nyabuna, iyo mvugo ngereranyo yerekana ko Yezu azoza atawuvyiteze nka ku nyene igisuma kidateguza.