Bashiki bacu borushiriza gute gukorera Yehova?

Bashiki bacu baragira ikintu kinini baterereye ku gikorwa c’Ubwami. (Zb 68:11) Barayobora inyigisho nyinshi za Bibiliya kandi bagize igice kinini c’abatsimvyi basanzwe. Bashiki bacu ibihumbi b’abanyamwete ni abanyabeteli, abamisiyonari, abitanga mu bwubatsi, abubatsi n’abahinduzi. Bashiki bacu bahumuye barakomeza imiryango yabo n’amashengero. (Img 14:1) Naho bashiki bacu badashobora kuba abakurambere canke abakozi b’ishengero, hariho imigambi bokwishingira mw’ishengero. Nimba uri mushiki wacu, bimwebimwe mu vyo wokora mu ntumbero yo kurushiriza gukorera Yehova ni ibihe?

• Gutsimbataza kamere zishimwa n’Imana.​—1Tm 3:11; 1Pt 3:3-6

• Gufasha bashiki bacu bo mw’ishengero bataramenya utuntu n’utundi.​—Tt 2:3-5

• Kwongereza umwanya umara mu ndimiro no kuryohora ubusuku bwawe

• Kwiga urundi rurimi

• Kwimukira ahari inkenero

• Gusaba gukorera kuri Beteli canke gufasha mu bwubatsi

• Gusaba kwitaba Ishure ry’abamamaji b’Ubwami

NIMURABE IVIDEWO IVUGA NGO “ABAGORE BAKORA CANE MU MUKAMA,” MUCE MWISHURA IKI KIBAZO:

• Ivyavuzwe n’umwe wese muri abo bashiki bacu vyakuremesheje gute?