Turyohore ubuhanga bwacu mu ndimiro​—Kubwira inkuru nziza umuntu wese aba mu cibare cacu

IGITUMA BIHAMBAYE: Zekariya yaravuze ko abantu bo mu ndimi zose z’amahanga bokwakiriye neza inkuru nziza. (Zk 8:23) None ni nde yobigishije? (Rm 10:13-15) Uca wumva rero ko dufise agateka be n’ibanga vyo kubwira inkuru nziza abantu bose bo mu cibare cacu.​—od 84 ing. 10-11.

UKO TWOBIGIRA:

• Niwitegure. Woba uhora uhura n’abantu bavuga urundi rurimi? Urashobora gukoresha ka ga programa JW Language ukiga amajambo yogufasha gutanguza ikiyago. Canke na ho urashobora gukoresha akuma kawe ngendanwa ukereka umuntu ingene yoronka ayandi makuru mu rurimi rwiwe kuri jw.org

• Nube umuntu yihweza. Nimba uriko wamamaza inzu ku nzu, ntugishe akaryo ko kubwira inkuru nziza abahita canke abari mu miduga iparitse ahantu. Nimba na ho uriko wamamaza ku mugaragaro, nugumize ku muzirikanyi ko icakujanye ari ugushinga intahe

• Nube umunyamwete. Nugume urondera gushikira abantu bose utasanze muhira. Nugire akigoro ko kuganiriza ababa mu mazu yose yo mu cibare cawe, kumbure mu kuza urahindagura amasaha canke imisi ubagendera. Hari n’abo vyosaba ko dushikira dukoresheje amakete, telefone canke duhuriye ku nzira

• Nugume usubirayo. Nusubire kuraba uwashimishijwe udatebaganye. Nimba avuga ururimi runyamahanga, nurondere umuntu yomufasha mu rurimi rwiwe. Urakwiye kuguma umugendera gushika abonanye n’abamamaji bavuga ururimi rwiwe.​—od 94 ing. 39-40

NIMURABE AKAVIDEWO KAVUGA NGO KWAMAMAZA “MU KARERE KA KURE RWOSE K’ISI” MUCE MWISHURA IBI BIBAZO:

• 

  Abavukanyi biteguriye gute kuja kwamamaza mu karere ka kure? (1Kr 9:22, 23)

• 

  Ni ingorane izihe baciyemwo?

• 

  Ni imihezagiro iyihe baronse?

• Ni utwigoro utuhe wogira kugira ngo uyagishe abantu benshi bashoboka mu cibare cawe?