Nufashe abana bawe barushirize kwizera Umuremyi

Ivyaremwe bitangaza ubuninahazwa bwa Yehova. (Zb 19:1-4; 139:14) Ariko isi ya Shetani yoyo ikwiragiza inyigisho zisiga iceyi Imana ku bijanye n’inkomoko y’ubuzima. (Rm 1:18-25) None wokora iki kugira ukingire abana bawe ntibandukirwe n’izo nyigisho? Nubafashe kuva bakiri bato kugira barushirize kwizera ko Yehova abaho kandi ko abitaho. (2Kr 10:4, 5; Ef 6:16) Numenye ivyo biyumvira ku bijanye n’ivyo babigisha kw’ishure, maze ukoreshe ibikoresho bitandukanye dufise kugira ubakore ku mutima.​—Img 20:5; Yak 1:19.

NIMURABE AKAVIDEWO KAVUGA NGO IVYO URUNGANWE RWAWE RUVUGA​—KWEMERA IMANA, MAZE MUCE MUGANIRA KURI IBI BIBAZO:

• Abantu bakunze kuvuga iki ku bijanye no kwemera Imana?

• Kw’ishure iwanyu babigisha ibiki?

• Ni ibiki bikujijura ko Yehova abaho?

• Wofasha gute umuntu gutahura ko Imana ari yo yaremye vyose?