Bibiliya Ibivugako Iki?

Kw’isi hoba hazokwigera haba amahoro?

Wokwishura gute?

• Ego

• Oya

• Kumbure

Ico Bibiliya ivuga

Igihe Yezu Kristu azoba ategeka, “hazobaho amahoro menshi gushika ukwezi kutakiriho,” ni ukuvuga ibihe bidahera.​—Zaburi 72:7.

Ibindi Bibiliya ivuga

• Ababisha bazokurwaho, maze abeza “[binovore] amahoro menshi.”​—Zaburi 37:10, 11.

• Imana izohagarika intambara ubutakigaruka.​—Zaburi 46:8, 9.

Amahoro yo mu mutima yoba ashoboka muri iki gihe?

Bamwebamwe bavuga  . . . yuko tudashobora kuronka amahoro yo mu mutima isi icuzuyemwo imibabaro n’akarenganyo. Uvyibazako iki?

Ico Bibiliya ivuga

No muri iki gihe, abiyegereza Imana barashobora kwironkera “amahoro y’Imana arengeye ukwiyumvira kwose.”​—Abafilipi 4:6, 7.

Ibindi Bibiliya ivuga

• Imana isezerana ko izokuraho imibabaro n’akarenganyo. Ivuga iti: “Ibintu vyose ndiko ndabigira bishasha.”​—Ivyahishuwe 21:4, 5.

• Turashobora kuronka amahoro yo mu mutima mu kwitwararika “ivyo dukeneye mu vy’impwemu.”​—Matayo 5:3.