IGICE CA 14

Wokwerekana gute ko uri intahemuka kuri Yehova?

Nuje ku ruhande rw’Imana. 1 Petero 5:6-9

Umukirisu yanse kugira uruhara mw’idini ry’ikinyoma no muri politike

Niwirinde kugira uruhara mu migenzo iyo ari yo yose itemerwa na Bibiliya. Ivyo bisaba uburindutsi.

Ntiwisuke mu vya politike bigirwa mu bihugu; ntibishigikira Yehova n’Ubwami bwiwe.

Nuhitemwo neza mu kwumviriza Imana. Matayo 7:24, 25

Umuntu yitavye amakoraniro ku Ngoro y’Ubwami; ariko ariga Bibiliya n’Icabona ca Yehova

Niwifatanye n’Ivyabona vya Yehova; bazogufasha kwiyegereza Imana.

Nubandanye kwiga ivyerekeye Imana kandi ugerageze kugamburuka amategeko yayo.

Umuntu ariko ariyegurira Yehova mw’isengesho mu nyuma akabatizwa

Igihe ukwizera kwawe kumaze gukomera, urakwiye kwegurira Yehova ubuzima bwawe maze ukabatizwa.—Matayo 28:19.

Niwumvirize Imana. Soma Bibiliya, kandi usabe Ivyabona vya Yehova bagufashe kuyitahura. Nuce ushira mu ngiro ivyo wiga. Niwabigira, uzobaho ibihe bidahera.—Zaburi 37:29.