“Turabonye ibintu bitabaho”

UMUSI umwe igihe Yezu yakiza umuntu yari amugaye, abari aho “bose uko bangana [baciye] bagwa mu gahundwe, batangura kuninahaza Imana, batekerwa n’ubwoba, bavuga bati: ‘Uno musi turabonye ibintu bitabaho!’” (Luka 5:25, 26) Ivyo Yehova ariko ararangura muri kino gihe abicishije ku Mwana wiwe akunda cane, ku mushumba w’umwizigirwa kandi w’ubwenge, no ku basavyi biwe b’abizigirwa bo hirya no hino kw’isi, biratuma natwe turonka imvo ikomeye yo kuvuga duti: “Turabonye ibintu bitabaho.”