Nutegure umutima

Igihe twiga Bibiliya, twipfuza ko inyigisho za Yehova zidukora ku mutima, ni ukuvuga zigashika ibwina muri twebwe. Ezira yaratubereye akarorero muri ivyo, kuko «yari yarateguye umutima wiwe kugira asuzume amategeko ya Yehova.» (Ezr. 7:10) None twotegura gute umutima wacu?

Nusenge. Nusenge igihe cose ugira wiyigishe. Nusabe Yehova agufashe gutahura ivyo ugiye kwiga no kubishira mu ngiro.—Zab. 119:​18, 34.

Niwicishe bugufi. Yehova ntahishurira ukuri abishira hejuru, bakishimikiza ubwenge bwabo. (Luka 10:21) Niwirinde kugira ubushakashatsi mu ntumbero yo kwereka abandi ko uri agahambaye. Niwicishe bugufi uhindure ivyiyumviro vyawe igihe ubonye ko bidahuye n’ivy’Imana.

Niwumvirize ururirimbo rw’Ubwami. Umuziki urafise ububasha bwo kudukora ku mutima, gutyo tukitegurira kwakira inyigisho za Yehova. Wumvirije rero ururirimbo rw’Ubwami imbere y’uko wiyigisha, vyogufasha gutegura umutima.