Amatangazo

◼ Ivyo tuzoshikiriza muri Ruheshi: Mu vy’ukuri Bibiliya yigisha iki? canke kamwe muri utu dupapuro tw’inkuru nziza: Ugucumukura kwose kugiye kurangira, Ukubaho mu Mahoro mw Isi Nsha, Yehova—Ni Nde? canke Woba ushaka kumenya ukuri? kandi mugerageze gutanguza inyigisho za Bibiliya. Mukakaro: Abamamaji boshobora gushikiriza kamwe muri utu dutabu tw’impapuro 32: Inkuru nziza iva ku Mana, Niwumvirize Imana canke Niwumvirize Imana maze ubeho ibihe bidahera. Myandagaro: Isekeza ridasanzwe ryo gushikiriza agapapuro k’inkuru nziza gashasha kamenyesha ibijanye n’umuhora wo kuri Internet wa jw.org. Nyakanga na Gitugutu: Ibinyamakuru Umunara w’Inderetsi na Be maso!

◼ Guhera ku mashure azoba mu mpera y’umwaka w’umurimo wa 2014, Ishure ry’umurimo w’abatsimvyi rizoza riramara imisi itandatu, ni ukuvuga kuva ku wa mbere gushika ku wa gatandatu.

◼ Urutonde rw’amakoraniro rwo mu ndwi ikurikirwa n’indwi izoberamwo ihwaniro ryanyu ry’intara rukwiye kugira ivyo ruhinduweko kugira ngo musubiremwo impanuro n’ivyibukijwe biri mu nyongera y’iki Gikorwa dukorera Ubwami be no mw’ikete ryo ku wa 3 Myandagaro 2013 ryarungikiwe amashengero yose rivuga ibijanye n’ivyokorwa kugira ngo twirinde amasanganya igihe turi ku maporogarama y’ivy’impwemu. Haheze ukwezi kumwe canke abiri mugize ihwaniro, mwoshobora gukoresha igice c’ibikenewe iwacu mu gusubiramwo ivyiyumviro kanaka vyarimbuwe kw’ihwaniro abamamaji basanze ari ngirakamaro mu busuku.