Amatangazo

◼ Ibisohokayandikiro vyo gushikiriza muri Ruheshi: Mu vy’ukuri Bibiliya yigisha iki? Nimba abo musanze ku muhana basanzwe bafise ico gitabu, abamamaji boshobora gushikiriza igitabu Senga Imana Yonyene y’Ukuri, igitabu Ubumenyi Bujana mu Buzima Budahera, canke agatabu Ni Ibiki Imana Idusaba? Mukakaro na Myandagaro: Abamamaji boshobora gukoresha agatabu ako ari ko kose k’impapuro 32 kari mu bubiko bw’ishengero. Nimukoreshe canecane udutabu Ni Ibiki Imana Idusaba?, Inzira Ijana mu Buzima Budahera—Woba Warayitoye? be na Mwame mugavye! Nimba ishengero ridafise igitigiri gihagije c’utwo dutabu dutatu mu bubiko, nimudusabe hakiri kare. Nyakanga: Mu vy’ukuri Bibiliya yigisha iki? Nimwihatire gutanguza inyigisho za Bibiliya igihe mugendeye umuntu ari bwo bwa mbere.

◼ Ya videwo ivuga ngo La Bible : une force dans votre vie (Bibiliya: Ububasha ifise mu buzima bwawe) na ya yindi ivuga ngo La Bible : un récit historique exact, des prophéties dignes de foi (Bibiliya—Inkuru nyakuri n’ubuhanuzi bwo kwizigirwa) zizorimburwa mu Makoraniro y’umurimo guhera muri Nyakanga. Nimba bikenewe, utudisiki twa ya DVD irimwo ayo mavidewo ivuga ngo La Bible : un livre historique et prophétique — Sur DVD (Bibiliya ni igitabu c’inkuru z’ukuri n’ubuhanuzi), turakwiye gusabwa biciye kw’ishengero vuba bishoboka.