Amatangazo
◼ Ibisohokayandikiro vyo gushikiriza muri Nyakanga: La Révélation : le grand dénouement est proche! canke La vie: comment est-elle apparue? Évolution ou création? Gitugutu: Ibinyamakuru Umunara w’Inderetsi na Réveillez-vous! Aho abantu bashimishijwe, nushikirize agatabu Ni Ibiki Imana Idusaba?, ugire akigoro kadasanzwe ko gutanguza inyigisho za Bibiliya. Munyonyo: Ni Ibiki Imana Idusaba? canke igitabu Ubumenyi Bujana mu Buzima Budahera. Nimba abantu baramaze kubironka, harashobora gushikirizwa igisohokayandikiro ca kera. Kigarama: Umuntu Ahambaye Kuruta Ababayeho Bose. Mu gihe udafise ico gitabu, woshobora gushikiriza Igitabu Canje c’Inkuru za Bibiliya, La Bible—Parole de Dieu ou des hommes?, canke Urashobora Kubaho Ibihe Bidashira mw Iparadizo ngaha kw Isi.
◼ Igikorwa Dukorera Ubwami co muri Gitugutu 2002 ntigikwiye kugabanganywa imbere y’uko ishengero ryitaba ihwaniro ry’intara ryagenewe kwitaba.
◼ Abakurambere baributswa gukurikiza amabwirizwa yatanzwe mu Munara w’Inderetsi wo muri Ndamukiza 1991, urupapuro rwa 19-23, yerekeye abantu abo ari bo bose baciwe canke biyonjoroye kw’ishirahamwe boba bafise agatima ko kugaruka.
◼ Ibiro vy’Ishami ntibironsa abamamaji ibisohokayandikiro basavye umwe wese ukwiwe. Umucungezi muhagarikizi akwiye kuringaniza ivy’uko ku kwezi ku kwezi hashikirizwa itangazo imbere y’uko ishengero rirungikira ibiro ya fomu yo ku kwezi ku kwezi yo gusaba ibisohokayandikiro, kugira ngo abipfuza bose kuronka ibisohokayandikiro ku giti cabo bashobore kubimenyesha umuvukanyi ajejwe ibisohokayandikiro. Turabasavye ntimwibagire ibisohokayandikiro bisabwa mu buryo budasanzwe.
◼ Integuro isohoka rimwe mu kwezi y’Umunara w’Inderetsi kuri kasete videwo mu Mvugo y’Ibimenyetso y’Abanyamerika, izoboneka guhera ku nomero yo ku wa 1 Nyakanga 2002.
◼ Rimwe na rimwe, amashengero be n’abamamaji umwumwe ukwiwe barahura n’ingorane z’ivy’amategeko zifitaniye isano n’ugusenga Yehova kwacu. Agatabu kavuga ngo Defending and Legally Establishing the Good News (Kuburanira Inkuru Nziza no Kuyitsimbataza Hishimikijwe Amategeko) karasohowe mu 1950 kugira ngo gafashe muri ivyo. Naho ako gatabu kakoreshejwe kera, amakuru ajanye n’ivy’amategeko gashikiriza ntagihuye n’igihe. Ku bw’ivyo, abamamaji be n’inama z’abakurambere ntibakwiye kugerageza gutunganya ingorane z’ivy’amategeko bishimikije amakuru ari muri ako gatabu.
◼ Insiguro y’icese idasanzwe yo gushikirizwa mu kiringo c’Icibutso co mu 2003, izoshikirizwa ku w’Iyinga igenekerezo rya 27 Ndamukiza. Umutwe w’iyo nsiguro be n’urucacagu bizotangazwa mu gihe kizoza. Amashengero azoba yagendewe n’umucungezi w’umuzunguruko canke azoba afise iteraniro kuri iyo mpera y’umushamvu azoshikirizwa iyo nsiguro idasanzwe ku ndwi ikurikira. Nta shengero na rimwe rikwiye kuzoshikirizwa iyo nsiguro idasanzwe imbere yo ku wa 27 Ndamukiza 2003.
◼ Ibisohokayandikiro Bishasha Biboneka:
La prophétie d’Isaïe, lumière pour tous les humains II—mu Ndome Nininini —mu Giswahili
Le destin dirige-t-il notre vie, ou Dieu nous tient-il pour responsable de nos actes ? (kateguriwe Abisilamu) (Agapapuro k’Inkuru Nziza No. 71) —mu rurimi rwitwa Urdu
Niwungukire ku Nyigisho yo mw’Ishure ry’Ubusuku bwa Gitewokarasi —mu Carabu no mu Giswahili
Une vie pleinement satisfaisante: Comment? —mu Gihindi