IGICE CA 6

Ni igiki twigira kuri rya Segenya rikomeye?

Imana yaratikije ababisha mugabo irokora Nowa n’umuryango wiwe. Itanguriro 7:11, 12, 23

Ubwato buriko burareremba, abantu babi bariko barasoma nturi, ba bamarayika b’abagarariji na bo biyambuye imibiri y’abantu

Haraguye imvura, imara imisi 40 n’amajoro 40 maze amazi yuzura kw’isi hose. Abantu b’ababisha bose barapfuye.

Ba bamarayika b’abagarariji bariyambuye ya mibiri y’abantu bari biyambitse maze bacika amadayimoni.

Nowa n’umuryango wiwe hamwe n’ibikoko bivuye mu bwato, hejuru hari umunywamazi

Abari mu bwato bararokotse. Naho Nowa be n’umuryango wiwe mu nyuma bapfuye, Imana izobazura bafise icizigiro co kubaho ibihe bidahera.

Imana izosubira gutikiza ababisha maze irokore abantu beza. Matayo 24:37-39

Shetani n’amadayimoni yiwe barakoresha uburyo butandukanye mu kuzimiza abantu

Shetani be n’amadayimoni barabandanya kuzimiza abantu.

Nk’uko vyari mu gihe ca Nowa, muri iki gihe abantu benshi baranka ubuyobozi buranga urukundo Yehova atanga. Yehova agiye gukuraho abantu bose b’ababisha.—2 Petero 2:5, 6.

Ivyabona vya Yehova bariko barakoresha Bibiliya mu kubwira inkuru nziza umuntu; umuntu ariko arasoma Bibiliya

Hariho abantu bameze nka Nowa. Barumviriza Imana kandi bagakora ivyo ivuga. Abo bantu ni Ivyabona vya Yehova.