Ο βασιλιάς Δαβίδ τζανέλας ι Ιεχωβάς ντα ντέλας μπέσα Λέστε. Κάνα ο Σαούλ ντα γιαβερά κουλαντίνενας-λες για τι μουνταρέν-λες, ο Δαβίδ προσευχισάλο κο Ιεχωβά για τι βοηθίνελ-λες. Κάνα ο Ντεβέλ απαντιντάς λέσκε προσευχιάτε ντα σωντάς-λες, ο Δαβίδ βακερντάς: «Ο Ιεχωβά ισί τζουβντό!» (Ψαλμ. 18:46) Σο μανγκέλας τι βακερέλ ο Δαβίδ; Εκ βιβλίος βακερντάς ότι ο Δαβίδ ντέλας μπέσα κο Ιεχωβά «σόσκε τζανέλας ότι ισί ο αληθινός Ντεβέλ σο πάντα κα βοηθίνελ πι υπηρετόν». Ο Δαβίδ τζανέλας ότι ο Ντεβέλ ντικχέλας σο νακχέλας ντα ισινέ έτοιμος τι βοηθίνελ-λες. Ανταβά ντινάς ζορ κο Δαβίδ τι συνεχίνελ τι υπηρετίνελ ι Ιεχωβάς ντα τι ντελ λέστε δόξα. (Ψαλμ. 18:28, 29, 49) Άμα ισινάμ σίγουροι ότι ο Ιεχωβά ισί ο τζουβντό Ντεβέλ, ανταβά κα βοηθίνελ-αμέν τι υπηρετίνας-λες αντράλ αμαρέ γκίσταρ. Κα τθεράς ι ζορ τι νταϊντίνας δοκιμασίες. Επίσης, ανταβά κα τσσίντελ-αμέν τι συνεχίνας τι κεράς ο πο λατσσό κι υπηρεσία λέσκι. Ατζέ, κα αβάς αποφασισμέ τι ατσσάς πασέ κο Ιεχωβά. w24.06 σ. 20, 21 ¶3, 4

Σο σικλιάσα κατά λάφια σο βακερντάς ο απόστολος Παύλος κο Θεσσαλονικείς; Κάνα ασουνάσα κάτι σο να ταιριάνελα οντουλέντζαρ σο σικλιλάμ κατά Γραφή ή κάτι σο κερέλα-αμέν τι σαστίνας, χρειαζίντιβελα τι αβάς προσεκτικοί. Κι πρώην Σοβιετική Ένωση, αμαρέ ντουσμάνια πφιραντέ κο πφραλά εκ επιστολή ντα βακερένας χάι ότι ισινέ κατά Μπέθελ. Ο γράμμας βακερέλας ότι έπρεπε μερικά πφραλά τι κερέν εκ γιαβέρ, ξεχωριστή οργάνωση. Ο γράμμας ντικχίντιβελας ότι ισινέ αληθινός. Αλλά ο πιστά πφραλά να χουχάντιλε. Αγαντέ ότι οντουλά σο βακερέλας ο γράμμας να ταιριάνενας οντουλέντζαρ σο σικλιλέας κατά Γραφή. Αντιβές, αμαρέ ντουσμάνια χρησιμοποιήνενα μπάζιμα ο Ίντερνετ για τι μπερδίνεν-αμέν ντα τι ανέν αμένγκε διχόνοια. Αντίς τι “μουκχάς αμαρί γκοντί τι μπερδίντιβελ” κατά λάφια σο βακερένα ο γιαβερά, μπορίνασα τι αρακχαβάς-αμέν κάνα σκεφτίνασα άμα ανταβά σο ασουνάσα ή διαβάνασα συμφωνίνελα με το αλήθειες ι Γραφιάκε.​—2 Θεσ. 2:2· 1 Ιωάν. 4:1. w24.07 σ. 12 ¶14, 15

Η πο σημαντική απόφαση σο μπορίνελα τι λελ εκ τζενό ισί η απόφαση τι τραμπίνελ τι αφιερώνελ πο νεαυτός κο Ιεχωβά ντα τι ντελ-λες λατρεία γιεκ πι πφραλέντζαρ ντα πι πφενίντζαρ. Ο Ιεχωβά μανγκέλα σαρέ ο τζενέ τι κερέν-λες ανταβά. Σόσκε; Μανγκέλα βον τι απολαμβάνεν εκ λατσσί φιλία λέσαρ ντα τι τζουβντιόν για πάντα. (Δευτ. 30:19, 20· Γαλ. 6:7, 8) Όμως, ο Ιεχωβά να πιένελα καεκχές τι υπηρετίνελ-λες. Μουκχέλα ι κάθε εκχές τι αποφασίνελ σο κα κερέλ. Σο κα αβέλ-πες άμα εκ μπολντό χριστιανός κα κερέλ εκ σοβαρή αμαρτία; Άμα να κα μετανιώνελ, πρέπει τι ατσσικιαρέν-λες ντουρ κατά κχανγκιρί. (1 Κορ. 5:13) Όμως, ατζέ-ντα άμα αβιλό-πες ανταβά, ο Ιεχωβά μανγκέλα μπουτ ανταβά τζενό τι μετανιώνελ ντα τι τθερέλ πάλι εκ λατσσί φιλία λέσαρ. Κι πραγματικότητα, εκ σημαντικός λόγος σο ο Ιεχωβά ντινάς ο λύτρος ισί για τι μπορίνελ τι συγχωρίνελ οντουλέν σο μετανιώνενα πουμαρέ αμαρτιένγκε. Αμαρό λατσσό Ντεβέλ σο μανγκέλα-αμέν μπουτ, βοηθίνελα οντουλέν σο κερένα εκ σοβαρή αμαρτία τι μετανιώνεν.​—Ζαχ. 1:3· Ρωμ. 2:4· Ιακ. 4:8. w24.08 σ. 14 ¶1, 2