¿Imaynatan Bibliata leespa rikushawaqpas jina leewaq?

Bibliapiqa askhan willakuykuna kashan ñaupa tiempomanta, chaykunaqa imaymanapin yanapawasunman. Ichaqa chaykuna yanapawananchispaqqa, rikushasunmanpas jinan chay willakuykunata leenanchis. Kaypin yachasun imakunatas chaypaq ruwawaq chayta.

• Alto kunkawan leey. Alto kunkawan leenki chayqa imachus leesqaykitan rikushawaqpas jina qhawarinki. Familiapi leeshanchis chayqa yaqapaschá paykunata nisunman chaypi kaq runakunaq rimasqanta leenankupaq.

• Imachus leesqaykipi piensay. Pimantachá leeshanki chay runapas kawaq jina qhawarikuy, ¿imapin piensashan? ¿Imaynan tarikushan? Yaqapaschá tapukuwaq: “¿Imaraykutaq kaytari nishanman, imaraykun kayta ruwashanman? ¿Imatan noqa ruwayman karan chaypi kashaspa? ¿Imaynan kayman karan chhaynapi tarikuspa?”, nispa.

• Dibujay. Manapaschá allin dibujaqchu kanchis, ichaqa dibujasun chayqa faciltan imachus leesqanchispi piensasun, faciltan yuyarisunpas.