Dibujay imachus estudiasqaykita yuyarinaykipaq

Mayninqa ratullan imachus estudiasqanchista qonqarapunchis. Chhaynaqa, ¿imata ruwaymi yanapawasunman imachus estudiasqanchista ama qonqananchispaq? Chaypaqqa ñaupaqta Jesuspa imaynachus yachachisqanmanta yachasun. Yachasqanchis jina payqa ejemplokunawan rijch’anachiykunawan iman yachachiq. Chaymi chaykunata leeshaspaqa chaypipas kashasunman rikushasunmanpas jina leenchis, chaymi mana faciltachu imachus yachachisqantaqa qonqanchis. Chayta ruwaymi qantapas yanapasunkiman. ¿Imatan chaypaq ruwawaq? Estudiasqayki qhepaman imachus yachasqaykita dibujay.

Wakin runakunapas chaytan ruwarqanku, paykunaq willakusqanman jinaqa dibujaysi paykunata yanapasqa imachus estudiasqankuta facil-llata yuyarinankupaq. Ichaqa manan chaypaqqa allin dibujaqraqchu kanayki, aswanpas atisqaykiman jinalla dibujay. Chaykunamanta yachaq runakunapas ninkun imaynas yachasqankuta dibujayqa allinta kuraq runakunatapas yanapan chayta.

Chhaynaqa jujpi estudiasqayki qhepaman dibujay imachus yachasqaykita. Chayta ruwaymi yanapasunki estudiasqaykita ama qonqanaykipaq.