¿Juchachu sexo oral nisqa?

Estados Unidos nacionpi Centros para el Control y la Prevención de Enfermedades nisqapi llank’aqkunaq willasqankuman jinaqa 15 watayoq, 19 watayoq wayna-sipaskunata tapusqankumantaqa kuskan más jinas nisqaku sexo oral nisqata ruwasqankuta.a Juj librota qelqaq Sharlene Azam warmin nin: “Wayna-sipaskunapaqqa manan p’enqakunapaqchu sexo oral nisqata ruwayqa”, nispa. Chaymantapas nillantaq: “Chayta ruwayqa paykunapaqqa manan warmi-qhari puñuy jinachu”, nispa (Oral Sex Is the New Goodnight Kiss).

• ¿Qanri imaniwaqtaq?

• ¿Imaynapunitaq kanman?

• ¿Sinchi mana allinpunichu kanman?

¿Qanri ima niwaqtaq?

Arí otaq manan nispa kutichiy.

1. ¿Onqoqchu rijurinman juj sipas sexo oral nisqawan?

   1. Arí

   2. Manan

2. ¿Sexo oral nisqa allinchu kanman saludninchispaq?

   1. Arí

   2. Manan

3. ¿Juchachu sexo oral nisqa?

   1. Arí

   2. Manan

¿Imaynapunitaq kanman?

Tupachiy kutichisqaykikunata qatimuqpi kutichiykunawan.

1. ¿Onqoqchu rijurinman juj sipas sexo oral nisqawan?

   Kutichiynin: Manan. Chayraykun askha wayna-sipaskuna sexo oral nisqata allinpaq qhawarinku.

2. ¿Sexo oral nisqa allinchu kanman saludninchispaq?

   Kutichiynin: Manan. Sexo oral nisqata ruwaqtaqa kay onqoykunan jap’inman: hepatitis A otaq B, verrugas genitales, gonorrea, herpes, sida otaq sífilis nisqa onqoykuna.

3. ¿Juchachu sexo oral nisqa?

   Kutichiynin: Arí. Qhari kayninta, warmi kaynintapas ch’onqanakuyqa warmi-qhari puñuy jinan.

¿Sinchi mana allinpunichu kanman?

Imaninmi Biblia sexo oral nisqamanta, chaymanta yachasun.

Biblian nin: “Kaymi Diospa munaynin [...], t’aqakunaykichismi qhelli juchamantapas”, nispa (1 Tesalonicenses 4:3).

“Qhelli jucha” nispan nikun, manaraq casarakuspa warmi-qhari llaminakuyta chaykunan kaykuna: warmi-qhari puñuy, qhari kayninkuta, warmikayninkutapas ch’onqanakuy, jatun jisp’ayta jisp’anamanta t’inkinakuy ima. Qhelli juchata ruwaqqa sinchi llakikuykunapin tarikunqa, jinaspapas Diosmi paymanta karunchakapunqa (1 Pedro 3:12).

Biblian nin: “Qhelli juchata ruwaqmi ichaqa cuerpon contra juchallikushan”, nispa (1 Corintios 6:18).

Sexo oral nisqata ruwayqa cuerpotan onqochinman, Diosmantapas karunchawasunmanmi. Chaymantapas sinchitan llakichiwasunman. Cómo hablar de sexo con los adolescentes para que te escuchen nisqa qelqan nin: “Manaraq casarakuspa warmi-qhari puñusqanku qhepamanqa mana valeqpaq jinan qhawarikunku, sinchi k’irisqa, pesapakuspa iman tarikunku, chhaynallataqmi tarikunku qhari kayninta, warmi kaynintapas llaminakuqkunaqa”, nispa.

Biblian nin: “Noqan Diosniyki Señor Diosqa kani, noqan allinniykipaq yachachiyki”, nispa (Isaías 48:17, Diospa Simin Qelqa).

Imaniwaqtaq ¿warmi-qhari puñuymanta Diospa kamachikuyninkuna allinniykipaqchu kanman? Icha ¿Munasqaykiman jina kausakunaykitachu jark’ashasunki? Piensay askha carrokunaq risqan carreterapi kaq letrerokunapi, chaykunapin nishan maykunapi ama nishuta carrota phawachinaykipaq, maypi sayachinaykitapas. ¿Chay letrerokuna jark’ashasunkichu icha allinniykipaqchu? ¿Sichus chay letrerokunapi nisqanta qanpas, jujkunapas mana kasukuqtin imaynapin tarikuwaqchis?

Kaqllataqmi Diospa kamachikuyninkunawanpas. Sichus mana kasukunkichu chayqa sinchi mana allinkunapin tarikunki (Gálatas 6:7). Sex Smart nisqa qelqan nin: “Imapichus creesqaykita saqespa, yachashaspa mana allinkunata ruwanki chayqa qan kikiykitan mana respetakunkichu”, nispa. Ichaqa sichus Diospa kamachikuyninkunaman jina kausanki chayqa allin kausayniyoq runan kanki, jinaspapas thajmi concienciaykipas kanqa (1 Pedro 3:16).