¿Ima ninmi Biblia qharipura otaq warmipura casarakuymanta?

¿Ima ninmi Biblia?

Manaraq gobiernokuna casarakuymanta kamachikuykunata qoshaqtinkun Jehová Diosqa ñaupaqtaraq kamachikuykunata churaran. Chaytan Bibliapi nin: “Runaqa taytantapas mamantapas saqepunqa, jinaspan warminman jujllachaykakapunqa, juj aychallataq kapunqaku”, nispa (Génesis 2:24). Chay textopi “warminman” nishantaq chayqa qhariqa juj warmillawanmi casarakunan. Chay “warminman” nispaqa manan qharikunamantachu rimashan, chaytan nishan Diccionario Expositivo de palabras del Antiguo y del Nuevo Testamento exhaustivo, de W. E. Vine, nisqa. Jesuspas niranmi: ‘Runata kamaqqa qallariymantapachan qharita warmitawan kamaran’, nispa (Mateo 19:4).

Chhaynaqa, Diosmi kamachikuyta churaran qhariqa warmillawan casarakunanpaq, warmitaq qharillawan casarakunanpaq. Diosmi paykunata kamaran wawakunayoq kanankupaq, yanapanakuspa payta servinankupaq, kusisqa kausanankupaq, kuska puñunankupaq ima.